Jan 31 – SHANTI JUNTU HARISHE!

Isaiah 60:20 “din khan apuni laga dukh laga hekh hobo”.apuni laga din khan dukh laga hodai din karone nahoi. Isor ani ase apuni laga dukh ke hekh te. Aru Tai  ahram diye apuni ke Tai laga mrom logote.

Kintu judi bi Tai phulishe jokhom pora, Tai bandhe apuni ke aru bonai apuni kepura. Tai dilasa diye apuni ke ama nishina. Tai bukhe apuni ke Tai laga kandha te, baba jinika. Aru Tai ekla anibo pare hekh din khan te apuni dukh laga.

Tate phujir ase sob rati pichete; tate ase ekta jit sob haar pichete; tate ase jharna taza pani laga pichete ghati suku pani laga; aru tate ase ekta Elim sob marah pichete. Hosabi tate ase ekta ahram aru anondo paar hoi kene apuni laga dukh aru kanda ke.

Chatri khan bishi kuchis kori kene mehnat pora diye tai khanlaga porikha ke; aru hekh te porikha laga, tate ase chutti din khan. Aru tai khan agh barhe dusra kaksha te. Itu sob anubhav dwara, tai khan sikhe ki tai khan jai porikha par kori, jit napa agete.

Isor pratigya di ase ki din khan te apuni laga dukh laga hobo hekh. Tai aru pratigya diye ki sob apuni laga dukh khan ghuribo anondo te (Joy 16:20). Isor pora udharan dishe itu kotha ke ekta kissa pora. Ekta maiki jitya tai bach apai, thake dukh te kilekoile utu homoi ahishe; hoilebi jitya tai diye jonom ekta bacha ke, tai yaad nakore utu dukh aru bhuga ke, kilkeoile anondo pora ki ekta manu jonom loishe itu prithibi te koi kene. Ki tai anondo nokoribo sai kene hasi thaka chehra te utu notun jonom kora shishu te? Sob tai laga dukh aru bikh khan bodlibo anondo te.

Hannah ke thakishe din khan dukh laga. Ekta phine, tai ke morom korishe manu khan pora  kilekoile tai bacha napai. Aru dusra phine, tai ke thakishe dushman jun bonaishe tai laga jibon ke biya, ninda kori kene. Ek din Hannah uthaishe aru jaishe maujudgi te isor laga, dhalibole tai laga pura mon ke kandi kene.

Pobitro kotha te koi, “Aru tai koishe, ‘hobole dibi apuni laga maiki naukar khan ke pabole anugrah apuni laga nazar te”. Toh utu maiki jaishe tai laga rasta aru khaishe,a ru tai laga chehra thakanai dukh te” (1 Samuel 1:18).

Ji hoilebi apuni rakhishe koishe theng te Isor laga prathana te, tai pora itu ke sabo. Apuni ke dorkar nai kandi thakibole utu karon nimite. Dibi sob apuni laga bhar ke Isor te;a ru sikkhibi ahram koribole Tai  te Biswas pora.

Apuni anondo koribo lage aru kobo lage Isor ke, “Dhonyabaad Apuni ke Isor huna nimite ami laga prathana khan; aru kilekoile Apuni laga anugrah itu laga jawab diye. Dhonyabaad Apuni ke Isor ghurai diya nimite sob ami laga dukh khan ke anondo te”. Aru apuni anondo koribo lage Isor te. Isor hune prathana khan ke Hannah laga aru dishe tai ke Samuel aru panchta bacha ke.

Bacha khan  Isor laga, prashansha koribi isor ke bisas te, kilekoile din khan dukh laga ahishe hekh te. Jitya apuni prashansha kori thake isor ke, sob chunoti khan juntu khara kore ekta pahar jinika agete apuni laga; aru sob smasya khan juntu mon bikhai di ase apuni ke harai jaibo. Aru apuni bhorta hobo isor laga shanti aru anondo logote.

Aji dhyan koribole laga pobitro kotha tu hoile jeremiah 31:13 “kintu Ami gurabo tai khan laga dukh ke anondo te, ahram dibo tai khan ke aru bonabo tai khan ke anondo hobole dukh nahoi kene.