Jan 30 – NOTUN SWARG ARU NOTUN PRITHIBI!

2 Peter 3:13 “tothapio ami khan, hisab te Tai laga kosom laga, sabi notun swarg khan ke aru notun prithibi khan ke jote dharmikta thake”.

Ami khan laga morom isor icha kore bonabole sob saman khan notun. Tai jun bohe rajyo te koishe: “thakibi, Ami bonai sob saman khan ke notun” (Revelation 21:5).

Ami baba, bro. Sam Jebadurai, ekbar jaishe nagarte kobole ‘subh samachar utsav’ ke. Tai saishe ki pura nagar hi moila thakishe, dhul aru kachra khan pora, juntu din proti din biya hoi jai thakishe. rasta khan kiman moila thakishe, aru pura avastha tu iman sapha nathaka aru biya thakishe. utu nagar thakishe bishi jhopri ghor khan usor usorte lagi kene. Aru itu thakishe ekta dagi nishina chabi te utu dangor nagar laga. Aru itu porabishi bikhai dishe ami baba laga monk e,jitya tai itu khan ke saishe.

Itu prithibi te dagi lagishe paap pora Adam laga. Satan pora kabza korishe aru adhikar ke loishe adam pora,a ru bonishe paap laga rajkumar itu prithibi laga. Tai laga matha ke chipai dile bi Calvary laga kruste, dui hazar saal agote, tai ke itya bi narak te dhalanai. Aru tai narukhi kene dagi lagai di ase manu khan ke, nagar laga aru desh khan laga, aru narukkhi kene jukai di ase tai laga jaal aru porikha khan pora.

Hoilebi Isor pora kosom diyanai itu prithibi ke hoilebi, notunswarg aru ekta notun prithibi ke hi dishe; ekta notun swarg jote satan itu shakti ke dhuri nathakibo; ekta notun pritbi paap nathaka laga, rog nahoile mora khan.

“itu nagar ke nalage suraj nahoilebi chand ke chamki bole, kilekoile Isor laga gaurab hi ituke dikhai dishe. Memna hi puhor ase.a ru desh khan tai khan laga jun khan bachishe berabo itu puhor te,a ru raja khan prithibi laga anibo gaurab aru sonman itu ke. Itu laga dorja khan ondh nahobo kitya bi din pora(kile koile tate andhera nathake)” (Revelation 21:23-25).

Kiman bi achurit notun swarg ase, aru adbhut notun prithibi hobo utu! Tate saitan nathakibo, iku janwar aru nathakibo tate misa laga nabi dagi lagabole nahoilebi biya koribole utu avastha ke. Poitro ktoha te koi: “saitan, jun jukaishe tai khan ke, dhali dishe nadi te jui laga aru gandhak te jote danav aru misa laga nabi khan ase. Aru tai khan ke atyachar koribo din aru rati aru hodai din karone” (reveltion 20:10).

Itu karone, bhoi nakoribi apuni laga komjuri khanke nahoile napungcha khan ke. Mahima koribi aru uncha koribi naam ke Isor laga notun swarg khan aru notun prithibi karone juntu Tai bonabo apuni nimite. Kilekoile olop jitu apuni bitai itu prithibi te,a puni sapha koribo lage nijor ke aru agh barhi bo lage thik phine pura biswas te, kilekoile din Iosr laga ahi ase.

Aji bhabna koribole laga pobitro kotha tu hoile Revelation 21:1 “itya Ami dikhishe ekta notun swarg  ke aru notun prithibi ke kilekoile poila swarg aru poila prihibi tu paar hoishe. Aru, tate thakanai hagor khan”