Jan 30 – KAAM JUNTU APUNI HARISHE!

Hebrews 6:10 “kintu Isor anyay nahoi pahboribole apuni laga kaam aru dukh ke morom laga juntu apuni dikhaishe Tai laga naam phine, ki apuni prachar korishe pondit khan ke aru korishe prachar.”

Tate ekta industry laga malik thakishe jun bishi mehnati. Tai laga pura uddesh thakishe jibon te anibole tai laga bacha khan ke ekta bhal stithi te. Bacha khan bi porhishe bhal pora; aru uthaishe bhal podh khan te. Baba pora kinishe mati khan ke aru ghor bi tai khan karone.

Achanak pora, tai bonishe rogi Cancer laga,a ru tai moribole thakishe. Tai pothaishe tai laga kotha ke tai laga bacha khan ke ahibole aru tai ke lok koribole. Hoilebi sob jon bahana bonaishe nijor lag nahoilebi manu laga aru koishe ki tai khan bishi vyasth ase aru lok koribo tai ke pichete. Aru lok koranai bishi din karone. Aru tai khan laga baba pura gussa hoishe tai laga dhonyabaad nathaka bacha khan ke. Tai bhangi she tai laga mon te aru phelaishe suku pani ke kaam kora nimite aru uthai diya nimite inika dhonyabaad nathaka bacha khan nimite.

Jitya tai bhabna kori thakishe ki tai koribo lage , Isor pora dishe tai ke ekta norom mon; aru ekta drishti hodai din laga jibon nimite. Titya utu manu bonaishe ekta taan faisla. Tai mehsus hoishe ki tai phelaishe iman kimti saal khan ke  tai jibon laga bhal karone tai bacha khan nimite, nakori kene Isor karone  kaam. Itu karone, tai faisla korishe tai laga mon te kaam koribole isor karone utu homoi pora. Tai phelaishe sob tai laga dhon khanke uthabole dangor girja ke; aru cholaishe  sob homoi prachar koribole susmachar ke. Ekta manu junkaam kore prithibi laga saman khan karone, utu pora tai ghuraishe ekjon jun kaam kore isor nimite.

Itu khali olop homoi nimite hi ase ki ami khan jiyai itu prithibi te. Pobitro kotha tekoi, “din khan ami khan laga jibon laga ase sattar saal; aru judi iku karone pora tagot laga tai khan hobo assi saal tok, hoilebi tai khan phutani kore khali kaam aru dukh te; kintu itu joldh hi kati jai aru uri jai” (psalm 90:10).

Khali itu prithibi te ami khan avsar pai kaam koribole hodai din laga jibon nimite. Ami khan  itu karone kaam koribo lage poritran karone; aru kaam koribo lage  pabole dhon ke swarg te. Pobitro kotha te koi, “aru Ami koi tumi ke, bonabi dost ke nijor karone  adharmik dhon pora, ki jitya tumi  haribo, tai khan pabo tumi ke ekta  hodai din laga ghor te” (Luke 16:9).

Bacha khan Isor laga, itu notun saal te, rakhibi isor ke pila aru sobse aghe sob apuni laga kaam aru dukh khan te. Tini hoile Isor pora ashirbaad koribo sob apuni laga kaam khan te aru dibo apuni ke buddhi; anugrah; tagot; Shakti; aru bhal swasth apuni ke sob apuni laga kaam khan te. Pobitro kotha te koi, “ashirbaad ase sob jon jun bhoi kore Isor ke, jun berai Tai laga rasta te. Jitya tumi khabo kaam ke tumi hath khan laga, tumi hobo khushi, aru itu hobo bhal tumi logote” (psalm 128:1-2). Ki kaam  hoile bi juntu apuni kore modot logote Krista laga, anibo apuni ke ashirbaad upor pora.

Aji dhyan koribole laga pobitro kotha tu hoile Revelation 22:12 “Ami laga inaam ase Ami logote, dibole sob jon ke hisab te tai kaam laga”.