Jan 29 – ANOUBA NUNGSHIBA!

“aduga asana ningba kaihande, maramdi eikhoida  pibikhraba Thawai Asengba adugi mapanna eikhoigi thammoida Iswarna mahakki nungshiba heithabire.” (Romans 5:5).

Kumsi asida Iswarna nahakpu Calvarygi anouba nungshiba aduda thal hanningi. Madugi nungshiba adu Thawai asengbana nahakki thammoi nungda heithabire.

Crosski nungshiba adu nahakna mahao tangdringeida taibangpangi nungshibagi hanna tanglambasu yai.  Nahakki keiroi leikaigi, marup mapangsinggi, nupigi amadi nachasinggi nungshibagi mahao da nahak nungaina leiba phanglamgani. Karigumba matamda kanagumbagi tousinnabagi nungshibada nahakna namthak chakhibasu yai.

Adubu Iswargi nungshibadi Agape nungshiba koubani. Masi katthokpagi nungshibani aduga masi tongjaningai thiba nungshiba natte. Masi asukki matik angakpa oibani haibadi Iswar  masamakna nahakpu paptagi kanbinaba lakkhibani. Kanagumba mi amana aphaba amadi dharamchenba mi amagi damakta mapunshi katthokpa ngamgani. Adubu Christa gi nungshibadi yamna angakpani mahakna pappi eikhoigi damakta sibikhre.

Sastrana hairi, “maramdi Iswarna eikhoida akibagi thawai pibide, adugi mahutta matik leiba, nungshiba amasung isa khudum chanbagi thawai pibire.” (2 Timothy 1:7).  “eikhoida pibikhraba thawai asengbana eikhoigi thammoi nungda Iswargi nunghsiba adu heithabire.” (Romans 5:5).

Anouba nungshiba pibirakpa mahakna su nahakki nungshiba adu yamna pamjei. Calvary Crossta nahakki damak sibikhba mahak adugi damakta nahakki khwaida ahanba nungshiba adu pibiba ngamgadra? Maduda Jesuna mangonda haikhi, “ nahakna nahakki Iswar Jehovahbu nathmmoi apumba, nathawai apumba amasung napukning apumbana nungshigadabani. Masi ahanba amasung khwaidagi  chaoba yathangni. Anisuba adudi asigumbani, “ nahakna nahakki yumlonnababu nasamakkumna nungshigadabani. Wayen yathangda yaoriba khudingmak amasung wa takthokpa misinggi wa adu yathang ani asida suplabani.”   (Mathew 22:37-40).

Pakhonchatpa Paulna asumna hairammi, “kanagumba mi amana Iswarbu nungshiye di hairaga machine manbao bu tukkacharabadi mahak oidaba ngangbani, maramdi mahak uriba machine manao adubu nungshiba ngamdrabadi mahakna udriba Iswarbu karamna nunghsiba ngamgani. Aduga masigi yathang asi eikhoigi Iswardagi phangbani. Aduna   Iswarbu nungshiriba mahakna  machine manao su nungshiba tabani. ” (1 John 4:20-21).

Iswargi machasing, nahakki thamoidagi akhaba, phattaba khuding adu mutthattuna kokpiba ngamba nungshiba aduda thanduna leiyu. Thawai asengbagi mapanna madugi nungshigba adu ngasi lousinkhro.

Dhyan tougadaba: “yengu Ipa na eikhoina asukki matik chaoraba nungshiba pibikhre, eikhoi Iswargi machasing koubikhre.!” (1 John 3:1).