Jan 28 – Tabme Ahiman!

“Butente dainan hangte, anin a d’ong Kitung Hen a sarebasing lingan bo sundangan abmetai, do anin barokij enga dele janang addungne, bar Kitung Hen ahiman, do Kitung Hen a gardan, manan, ruangan saring Kitung Hen amang saring a latsoten a tabme Jirusalem ahiman, bar tabme ahim Hen anin amang lingan idoltai” (Anabpungge 3:12).

Kitungan Anindaman tabme ahiman tiyle. Angante ahimben batte ganudingan adele, ambendaman gugudage aranubob Gamangtungan a s’i-ling saring, do Kitungan a raja s’I saring ahangte.

Ateng mandranji, kristu maranji anabkalkalan batte, aninji ahimanji adbandaeji abaranji orde alanumanji janang. Jajzngante ate kristuhiman do jajzngante ate bigardan dormahiman dakuteji, adernanji ambrij.

Kan ate janajadageted. Angante amben derna-lingan kristun lingan ayirtai, bibolan saring ahiman asaiben dete. Jajzngante ate ardurditeji, angante amben hanangan atiyte, angante kun ahiman batte adakute, bigarda kitunganji saring, kan batte sanayaman dete a pwrardanji Kristu lingan.

Kan ambrij akorana er janajated. Bibolan gamte: “Bar Kristun do Belial (manan, pintu janggardan), iten a jongjong monnan. Do derna mar, er derna maran ampara iten a artanurdun. Tumadgijmar Eliya gamle sisbongda a t’od, “Jajing ayam sikoija amben enegoi bagu ahiman batte adakuten.

Bogad Gamangtungan na Kitungan, sandungba; bindo bogad Baal, sadungetenden.” Anlendaman anabjadtanabe kan apsele (Aparamangtan 41:45). Angante anlen Kitungan abirindaling yirtaibe (2 Samuel 12:25). Anin kuddub bartabmete. Gamangtungan gamle: “bar Kitung-Hen ahiman, do Kitung-Hen a gardan, manan, ruangan saring Kitung-Hen amang saring a latsoten a tabme-Hen anin amang lingan idoltai” (Daniel 1:7)

Ateng derna buhang tonananji daku, ayengan amandranji sarigoi adnabhananeji, aninji ahimanji abandalenji asan, itente aninji amanganji a dernanji dakule. Ahiman, bigarda kitunganji, anangan dete papwr ahiman batte. Do amben kun ambrij alumdong. Angante amben tabubdan a tiyte (Mark 3:17). Kuddub papwrgodan surpidan surpidle Kitungan a birindan amaidamten. Kun asan, amben bibolan saring ahiman a sedaben dete.

Kitungan a pasijanji, angante amben tabme garadilan adele, amben janang tanunjing-lingan do kanalkal-lingan a yirte. Bindo angante amben man’oihan batte a jate kudduban uggarben batte (Jisaiya 62:2).

Tanahimdam Kitungan a onagji, Anin ahiman gugudage dete, amben galamle arabtite itente akanalkalanji erobjongdage ted kun ate ganalaman dete ayirtaihen a denna ling. Kitungan d’ong ben tabme ahiman tiybenten, do aten asan boi boi bangsa ahiman batte aganudingan.

Okiy Kinolbe absele: “Itente Janggardan ranukkunji a d’ong gamte, antate bubenten a l’udan daku anin amdangete. Butente dainan hangte, anin a d’ong sanoso manna a jumben asan Hen tiytai, bar Hen anin a d’ong bo paludam ‘arengan tiytai, do antareng lingan bo tabme ahim am’dolan dete, ant’ahiman itente, arengan a hanglen a mandran‘sadan sadle buteja aggalame” (Anabpungge 2:17).