Jan 28 – NAZAR JUNTU HARISHE!

Mark 10:51 “toh Jisu jawab dishe aru koishe tai ke, “ki tumi icha kore Ami koribole tumi karone?” utu andha manu koishe Tai ke, “Rabboni, ki ami pabole ami laga nazar”.

Isor Jisu ase bhorta achurit khan pora. Tai korishe achurit aru chamatkar khan ke sob jaga te jote Tai jaishe. Itu karone, manu khan jama hoisxhe Tai ke sob phine pora. “Jisu Krista ase iki atith te,aji aru hodai din karone” (Hebrwes 13:8). Aru Tai pora koribo achurit apuni karone aji bi.

Ekbaar Isor Jisu beraishe rasta te Jericho laga. Ekta andha manu naam Bartimaeus koi kene, bohi thakishe rasta te bhik mangi kene. Kilekoile tai andha thakishe jonom pora, tai  laga pura jibon thakishe pura andhera pora. Aru inika poristithi te, tai ahishe ujala aha laga din khan te. Itu uporte dhyan koribo aji?

Itu naam ‘Bartimaeus’, mane ‘lora Timaeus’ laga. Itu hobo pare ki judibi Timaeus thakishe keta  bhikari pura tai laga jibon te. Judi bi tai thakishe olop kamai, tai  ijazat dibo thakkanai pare tai laga lora ke bhik mangibole.

Ami khan laga bura baba Adam aru Eve haraishe tai khan laga drishti nazar ke, jitya tai khan girishe paap te; juntu bonaishe dangor bhag ke tai khan aru isor majete. Aji, ki ami khan bi ase ami khan laga bura baba Adam nishina, aru jiyai ami khan laga jibon ke jinika andha nishina? Ki satan andha korishe ami khan laga mon ke? (2 Corinthians 4:4).

Ekbaar ekta biya manu apharan kroishe lora ke ekta dhon manu laga; taikhan lagai dishe cockroaches ke tai laga suku khan ye;a ru phelai dishe  tai ke ekta gufa te. Tin din karone, cockroaches khan pora khaishe tai laga  suku khan ke aru pura tai nazar drishti ke harai loishe.

Utu apharan kora manu khan bikai dishe tai ke ekta bhal daam karone tai khan ke jun khan cholai bacha khan ke bhik mangibole. Utu lora jun dangor hoishe dhon pora, itya bonishe ekta bhikari; aru tai  thakishe utu  iki stithi te bishi saal nimite.

Ekdin, tai laga ama baba khan dikhishe aru chini loishe tai ke jitya tai bhik mangi thakishe.a ru tai khan loishe tai ke aru dishe tai ke sob medical treatment ke tai laga nazar drishi ke thik koribole. Tai khan suku daan kora manu ekta jawan bi paishe. Jitya tai paishe tai laga  nazar drishti ke, tate anondo kora laga himina thakanai tai laga ama baba karone aru utu bacha nimite. Ami khan laga Isor Jisu bi khulibo suku ke aru dibo gau laga dristi ke bi. Tai  puhor koribo pare suku ke gyan aru atmakarik suku laga bi.

Bacha khan isor laga, apuni ke dorkar ase atmakarik suku khan janibole Pobitro Kotha ke aru buji bole itu laga rahasya khan ke. Apuni ke dorkar ase puhor koribole suku khan ke mon laga, dibole byko ke isor laga. Toh, kityabi naharibi apuni laga nazar drishti ke. Ki apuni mange isor ke aji, apuni laga atmakarik suku ke khulibole?

Aji dhyan koribole laga pobitro kotha tu hoile Psalm 146:8-9 “isor khule suku khan ke andha laga; Isor pora uthai tai khan ke jun jhuke niche; isor morom kore dharmik khan ke. Isor sai jun jaga nathaki kene berai.”