Jan 27 – NOTUN JIBON!

Romans 6:4 “itu karone, ami khan ke putishe Tai logote baptisma pora mora te, ki jinika Krista ke uthaishe mora pora mahima te Baba laga, inika hi ami khan bi berabo notun hua te jibon laga”.

Apuni khan berabole lage notun hoa te jibon laga. Apuni khan bi uthibo lage mahima, jinika Krista ke uthaishe mora pora mahima te Baba laga.

Tate ekta antar ase majete Isai biswas te aru dusra dharm te. Pratisthapak dusra dharm khan laga  sob morishe aru jaishe wapas matite; aru tai khan laga Samadhi khan te moharbandh korishe. Hoilebi, Krista Jisu morishe, taike putishe aru uthaishe dubara mora pora tisra din te. Itu ekta atithasik ghatna thakishe ki  juntu kitya bi hatabole naparibo kun laga mon pora bi.

Hoilebi apuni khan nalobo lage itu ke khali ekta atishasik ghatna hisab te. Apuni khan sikhibole lage ahibole Kruste aru kobole aru swikar koribole biswas te ki “Isor morishe ami karone, Tai ke puti she ami karone aru ki itu ami  karone hi ase, ki Tai uthishe mora pora aru jinda ase hodai karone”. Tini hoile hi itu dangor daan kruste thaka, pora loi jabo apuni ke mukti te apuni laga atma laga aru jibon laga.

Nabi Isaiah pora koi: “hoilebi Tai jhokhom hnoishe ami khan laga galti khan nimite, tai ke puthishe ami khan laga napuncha khan karone; itu bharpai ami khan laga shantfi nimite thakishe Tai uporte,a ru Tai laga dagi khan pora hi ami khan changai paishe”. (Isaiah 53:5).

Ekbar apuni koishe koile apuni laga biswas ke aru ahe mukti te apuni laga atma laga, tini hoile apuni jabo lage agla stage te. Apuni pura dibo lage nijor ke, koi kene aru swikar kori kene: “Ami bi suli te uthishe Krista logote. Ami bi putishe Krista logote matite. Aru shakti utha te, ami loi jabo ekta jit laga jibon Krista logote”. Itu jibon ase tai khan laga jun khan notun jibon ase Krista te. Itu pobitro aru jitya laga jibon ase. Khali jun khan putishe Krista Jisu logote, thakibo utha Tai logote.

Pobitro kotha te  koi: “kilekoile judi ami khan milishe eki logote Tai nishina Tai laga mora te, hobo lage ami khan ke Tai nishina utha te” (Romans 6:5).

“jani kene itu, ki ami khan laga purana manu ke suli te uthaishe Tai logote, ki gai paap laga khotom hobo itu logote, ki ami khan nahobo aru naukar paap laga. Kilekoile jun khan morishe azd hoishe paap pora. Itya judi ami khan morishe Krista te, ami khan biswas kore ki ami khan bi jiyai thakibo Tai logote” (Romans 6:6-8).

Judi apuni paar hoi itu anubhav te, apuni thakibo ekta notun jibon aru notun shakti mahima te Isor Jius laga. Aru Isor Jisu rajyo koribo apuni te ekta akha hoi kene mahima laga; aru ujala te dubara utha laga. Aru paap kitya bi apuni ke jitibo naparibo.

Ajia bhabna koribole lag pobitro kotha tu hoile Galatians 6:14 “Isor Jisu Krista  pora hi, itu pritbi ke suli te uthaishe ami te aru ami prihibi te”.