Jan 27 – MANGKHRABA THAWAIGI PANGGAL!

“nahakki panggal asi kadaida leibage haibadu eingonda haidokpiyu.” (Judges 16:6).

Samsongi panggalgi hourakpham adu haidoknaba Delilahna hanglammi. Madu hakchanggi natraga mioibagi panggal nate,adubu Iswargi oiba panggal oirammi. Madu Thawai asengbadagi lakpa panggalni, madu awangba thaktagi lakpa panggalni.

Prabhu Jesuna hai, “ nakhoibu mathaklomdagi panggal adu phangdriba phao nakhoina Jerusalem adu thadokkanu.” (Luke 24:49).  “adubu nakhoigi thakta Thawai asengba adu lakpa matamda nakhoina panggal phanggani. Aduga nakhoina eigi damakta Jerusalemda, Judeada Samariada amadi taibang sinthungna sakhi oigani.” (Acts 1:8).

Adubu Samsonna mahakki panggalgi arotpa adu ngaksende. Mahakna Delilahda arotpa adu haidoklammi. Aduga mahakna asumna hai, “aduga eihakna sontharagani, atoppa misinggumba oiragani.” (Judges 16:7).  Nahakna atoppa misinggumba keidoungeidasu oiroigadabani. Prabhuna nahakpu Thawai asengba pibibani, aduga atoppa misingdagi henna nahakpu yamna akhannaba amadi akanba oina sembibani. Ucheksingdagi henna amadi  swargadutsingdagi hennasu nahakpu athoiba oina  sembikhrabani.

Nahak amadi atoppa misinggi marakta achouba khetnaba leibani. Atoppa misingna masigi taibanggi damakta hingbani amadi sibani. Adubu nahakti lomba naidaba punshi phangnaba koubikhrabani. Swargagi ningthou leibakta nahaknasu lan leibani. Aduna nahakki wangang , thabak hiram khudingmakta swargagi mi ni haibadu  takkadabani.

Matam amada lou uba nipa amana nongsagi maca amasi khunduna yum da purakkhi aduga mahakki oknaosingga punna yokminnakhi. Oknao singna lamlakki nongsa adugi makhon tabada makhoi nikkhre. Kiduna leire. Adubu nongsa macha adudi kari amata kiba leitana leplammi. Aduga nongma nongsagi macha aduna pukhrida ising thakpa matamda mahakki mami adu uraduna atopa oknao singgumba nata haibadu khanglakle. Mahakna khongba matamdasu nongsagi makhon oiramle adudagi mahakna mahak asi lamlakki ningthou nongsa ni haibasi khangjarakkhi.

Nongsa macha aduna oknaosingga punna leiminnaba tarabasu mahak nongsa adum oiri. Umaibi amasi yennaosingga punna loiminnaba tarabasu madu umai adum oiduna leigani. Maduga chap manna na nahakna taibangda leiba tarabasu nahak taibanggi mi oide adubu swaragagi mi adum oigadabani. Nahakki thawaigi oiba panggal adu keidoungeidasu manghalloidabani. Natraga sontharaga atopap singgumba keidoungeidasu oiroigadabani. Taibangdagi tonganba oigadabani.

Jesuna cross thakta yanduna leiba matamda, maduda phaoduna chatpa misingna karemnaduna asumna hairammi, “nahak Iswargi machanipa oirabadi nahak cross thaktagi kumtharak u. adubu mahakna atoppa misinggumna oiningde aduga Crosstagisu kumtharakte. Mahak asengba Iswargi machanipani. Mahakna taibangda laktuna eikhoibu paptagi kanbikhre. Aduga mahakna mahakki asengba amadi mahakki Iswar oiba adu aroiba phao ngaksenduna thammi. Iswargi machasing, nahakna matam leiba khibikta Jesugi matou asi lougadabani.

Dhyan tougadaba: “aduna Prabhuna asumna hairi, “ makhoidagi thoraktuna tongallu, haina Prabhuna hai. Sengdaba karimata sokkanu, aduga eina nakhoigi lousinbigani.”  (2 Corinthians 6:17).