Jan 26 – GAMAGIJAKO JEEVANO

Yirmia 31:4 O kumari Yisraeleval Ma thona pharan bhanduchu, Thu ajjek haptha pharan bhandlechi,vujji thu thamburavuthi naach kudan kushi pavajethi bhalan jachi.

Prabhu thona ajjek haptha pharan bhanduchu kan kerocha. Agedi thu hachethi bhandmelovees lapan abba haal vegochi kaiko,nathkan thar sambhandavuthi cheti vegochi kaiko, ajji kenukatho mar katmalena pharan assal bhand sakkuni kajako samasyama chikaiko.

Lapan Dev Yirmia 31:4, O kumari Yisraeleval Ma thona pharan bhanduchu kan himmath derocha.

Yek kumar chori ajjek hacho padmelojako chorathi vaaya vegi. Kassen ko daasek dadema vunder doyir vacha massaj virodha chalan lasten yeken yek kodijjar karlen door vegey. Vu chori yadi baper gharen ayijana vo massaj rothanu araj kide tho, vunder jamayir dallema badlavani athanu vu chorina gharen balalido. Hannu cheti vegejako katmalena Devaj pharan bhandan vunden beptan dethanu samadhanethi banchaju karmelocha.

Aposthaler kam 7:22 vachanema chaju Moser jeevanema vu motyaro vethojana Pharo betir beta kan kerayo. Mose Aigupther soli genema seekvadi lethaju, vatheman kamena jorevalo vego. Moser Agadiyar 40  varas Rajer betar nai moto vethanu, akharima kai cheniju vor sonth genethi Dever vuddesan puro karena ditto jethi vu Aigupthenaj chodan dhasan jayer vegi. Rajer betar nai vethojako abba Midhyaniyulevaler gorlin charayevalo vego.

Geeder grandh 127:1 Yehova ghar bhandenitho vona bhandevaler kasta taaloj, vuj Geeder grandh 28:5 Vo Yehovar kamena vor hather kamena leko karenijethi, vundena phodacha, pan vunden bhandeni. Kan vanchacha.

Moyabema rero akharir 40 varser dadema Dev Mosey vumpar massaj kaaklothi vethi jethi vuj Prabhu ajjek haptha balrojako bochkamathi balan, pharan bayar kamema haljarejako Yisraelevalen chodayevasu vuj Mosen jorethi bhandan melnako.

Ajji jada dhyan Karen pado  Yirmia 31 :20