Jan 24 – Tanalmadan S’idle!

“Tamji dinnan a delen a tiki Anin a hanangna maranji barokij a l’ung lingan dakulenji. Do Toma aninji ampara dakuneten. Seletten sananganji anzngadan a delen adnang Jisun aninji a tarangdi lingan iyaiten tanange, bar gametenji, Sanabyu debente” (Jon 20:26).

Kan ate aboi Anappai Pol amandrengnaberan itente anin Kristun abmele bangsa anoblenberan oblingle. Anin gadlamlangten barijloge hanangan atiylen ate: Jirusalem saring Illurika sikoija. Ogandile gijba kun ayamling idjaja gardigodan adakuad, egale nami ambrij. Kun ayam engdas’ingan, trainan orde bason, bo maneng saring bo maneng sikoija arduben apsele adakuad. Kun idjaja kamb’olan, peporan, news maranji adakuad. kun ayamling iteja adakuad hanangan atiyben apsele.

Kan ambrij adakulen adanang aninji barij surpidamlen, tiydamlen aninji baralingji, bangsa anoblingberan oblingleji. Bindo nami, Kitungan kuddub janabanji tiyaiten, ayaman bigarda bigarda janabanji hanangan atiyben asan. Do anlen atanang daku atanakud ordarlingan. Amben dile dinnan aimdamnaben dete do Kitungan gugudage kan kudduban tiybenten (Jon 20:25).

Bangsa anoblingberan aoblingben asan. Kitungle Jisun bahaiten: “Bar Anin opungetenji, Barij ordar desaban yeran yerre kuddub jatti maranji a d’ong bangsa anoblengan oblengba”. Kan abernan amben abojoraitepo? Bangsa anoblenberan oblenle mandranji hadab tagorba abanjingtepo. Kan bangsa anoblingan saring barij anabsittanji daku mandranji abmele. Angante amben ertakudlabe hanangan atiyte, do angante janardin adnoblinge, mandranji anabsittan adhageji (Jon 20:27-28).

Amben janang adhage anabsittan Kitungan itente dane tiybente kun janang ate. anappai Pol gijgijba abaran, ahanangan, alagu karda-lingan. “Bar ‘ hen . galamtal . do, mangba-ben a yerten adnang Knstun a barij sanittan batte hen yerte”. Ajardina, butente butente Kristun batte barij deteji, aninji bigardanji apsele janang barij anabsittan pangtaji. Jajingante amandranji gamteji Kitungan barij anabsittan adtiylangne.

Bindo Anin bantite anabsitta sanna saring surda sikoija. Kan abernaji lanka akardanji saringted. Itente barij anabsitta apsele gamte. Kuddub anabsittanji Kristu-lingan, do kuddub Janggardan a taniytiyanji, kuddub Janggardan aj’onji.

Do Kitungan asuyeman manglen dakute do anlen ampara dakute. Kuddub derna maranji Janggardan ataniytiyan hangteji. Kuddub Janggardan aj’on  hangle, mandrengna lingben. Do Kitungan abarij anabsitta janang ajaben dete. Amben anablu ahangte adnang, imdam-ling araptite Kitungan do Kuddub ruangan amben ampara dakugamle.

Okiy Kinolbe absele: “Pisirdian a s’in saring anta sanna kambolan hen pangan pangle jumlai, do t’odam-hen adangdan ambrij lanengeman dele, bar antate hen a jumlaian adnang kampung hen anasangan dele” (Anabpungge 10:11).