Jan 24 – ISOR PORA BONAI SOB SAMA

Revelation 21:5 “titya Tai jun bohishe rajyo te koishe, ‘thakibi, Ami bonabo sob saman khan ke notun’”.

Tai jun bonai sob saman khan ke notun bohi ase rajyo te; aru sob ase Tai laga niyanatran te. Itu karone, Tai pora hatabo sob apuni laga atit samasya aru sangharsh khan ke aru bonabi sob notun apuni laga jibon te.

Jitya isor kore ekta notun saman apuni laga jibon te, sob apuni laga samasya khan harai. Mon khan manu khan laga bi ghure apuni te, khali jitya Tai kore notun achurit ke. Itu karone ,a puni pahoribo laga samn khan kea tit laga aru akhan koribo lagae notun saman khan Isor pora. Tai hi ase jun bonai rasta ke reth laga jag ate. Ki namumkin ase manu logote, Tai bonai itu ke mumkin eta achurit hisab te.

Ekta pokhila shuru kore tai laga jibon ke ekta polu hisab te. Itu  homoi te, itu thake niskriya aru khai pata khan ke. Tini itu ghure pupa te aru alingi thake theni khan ke paudha laga. Aru ses te, itu bone ekta sundor pokhila te. Itu ase notun anubhav kilekoile pai ekta notun anugrah. Hoi, din khan laga larva laga, aru din khan pupa laga ses tea he, aru bone ekta notun pokhila te. Polu jun te khai thake pata khan ke itu khai shehed nisina phul laga ras ke. Sob purana saman khan ahishe ses te,a ru bonise notun. Isor laga bacha khan, isor pora koribo ekta achurit kaam ke bodli koribole apuni laga jibon ke.

Pobitro kotha te koi: “itu karone, judi kunuba Krista te ase, tai ekta notun nirmaan ase; purana saman khan paar hoishe; aru thakibi, sob saman khan bonishe notun” (2 Corinthians 5:17). Itu laga dusra translation te itu iki podh ke inika koi: “jitya ekta manu mile Krista logote, tai bonishe ekta notun nirmaan te. Tai laga purana jibon ses te ahishe; aru tai laga notun nibon shuru hoishe”.

*Jitya apuni jai ekta purana saal pora notun saal te, apuni khan bhal pora sabole lage nijor ke; hatabo lage sob galti khan ke apuni laga jibon laga aru sapha koribo lage nijor ke. Apuni khan berabo lage ekta notun shakti pora aru tagot pora loi kene notun sankalp loi kene  Isor te.

Jawan laga homi te Saul thakishe ekta abhiyan biya koribole isai manu khan ke, aru cholai tai laga sahkti aru tagot ke itu galat kam te. Hoilebi sabi itu achurit bodlav te tai te, jitya tai paishe morom Isor laga. Iman biya saul bodlishe Paul te- chela Jisu laga.*

Saul jun paishe chitthi khan uncha pondit khan pora bandhibole aru atyachar koribole jun khan biswa te ase, ses te bodli hoishe ekta dnagor chela te Isor laga, likhi kene chaudho ta epistle utsah koribole aru bodli koribole isai manu khan ke isor laga girja te.

Atit itu prithibi laga bhag hoishe duita te: Krista laga age aru Anno domini nahile Krista pichete. Isor aga bacha khan, utu  bhag hoa kahli kitab khan te nahobo lage atit laga ekla hoilebi; inika bodlav khan dikhi pabo lage apuni laga jibon te bi.

Aji bhabna koribole laga pobitro koth atu hoile Philippians 3:13-14 “hoilebi ekta saman ami kore, pahori kene sob saman khan juntu khan piche ase aru punche agete utu saman khan te juntu khan agete ase, ami dabai kene agete jai utu lakshya te utu inaam te juntu ahishe upor laga bulava isor laga Krista Jisu te”.