Jan 24 – Gamangtungan Kuddub Tabme Abmete!

“Ansaring raja garobgob lingan butente gobte, Anin gameten, Gijba, Hen kuddub janabanji tabme abmetai” (Anabpungge 21:5).

Kan ate aboi Anappai Pol amandrengnaberan itente anin Kristun abmele bangsa anoblenberan oblingle. Anin gadlamlangten barijloge hanangan atiylen ate: Jirusalem saring Illurika sikoija.

Ogandile gijba kun ayamling idjaja gardigodan adakuad, egale nami ambrij. Kun ayam engdas’ingan, trainan orde bason, bo maneng saring bo maneng sikoija arduben apsele adakuad. Kun idjaja kamb’olan, peporan, news maranji adakuad. kun ayamling iteja adakuad hanangan atiyben apsele. Kan ambrij adakulen adanang aninji barij surpidamlen, tiydamlen aninji baralingji, bangsa anoblingberan oblingleji.

Bindo nami, Kitungan kuddub janabanji tiyaiten, ayaman bigarda bigarda janabanji hanangan atiyben asan. Do anlen atanang daku atanakud ordarlingan. Amben dile dinnan aimdamnaben dete do Kitungan gugudage kan kudduban tiybenten, bangsa anoblingberan aoblingben asan. Kitungle Jisun bahaiten: “Bar Anin opungetenji, Barij ordar desaban yeran yerre kuddub jatti maranji a d’ong bangsa anoblengan oblengba”. Kan abernan amben abojoraitepo? Bangsa anoblenberan oblenle mandranji hadab tagorba abanjingtepo. Kan bangsa anoblingan saring barij anabsittanji daku mandranji abmele.

Angante amben ertakudlabe hanangan atiyte, do angante janardin adnoblinge, mandranji anabsittan adhageji. Amben janang adhage anabsittan Kitungan itente dane tiybente kun janang ate (2 Korintianji 5:17). anappai Pol gijgijba abaran, ahanangan, alagu karda-lingan. “Bar ‘ hen . galamtal . do, mangba-ben a yerten adnang Knstun a barij sanittan batte hen yerte”.

Ajardina, butente butente Kristun batte barij deteji, aninji bigardanji apsele janang barij anabsittan pangtaji. Jajingante amandranji gamteji Kitungan barij anabsittan adtiylangne, bindo Anin bantite anabsitta sanna saring surda sikoija. Kan abernaji lanka akardanji saringted.

Itente barij anabsitta apsele gamte. Kuddub anabsittanji Kristu-lingan, do kuddub Janggardan a taniytiyanji, kuddub Janggardan aj’onji do Kitungan asuyeman manglen dakute do anlen ampara dakute. Kuddub derna maranji Janggardan ataniytiyan hangteji. Kuddub Janggardan aj’on  hangle, mandrengna lingben.

Do Kitungan abarij anabsitta janang ajaben dete. Amben anablu ahangte adnang, imdam-ling araptite Kitungan do Kuddub ruangan amben ampara dakugamle. Aten asan Daudo edalen man’oihan batte gamle: “E Gamang Kitung-hen, Radu Dandrab Mar-hen, Aman sanu dinna lingan b’ob-hen ruble”. Anab-bagu lingan, Kitungan aberna-ling ranaptin daku. bibolan gamte. Tanahimdam Kitungan a onagji, amben Kristun anabsittan batte barij adeben dete, do barij Marid Janggardan ataniytiyan batte.

Okiy Kinolbe absele: “E buhanganji, hen andreng antate hamlai, gamle hen adnogallai, bindo b0 baran lumtai, manan, itente itente andreng dele, antate er ayimlabe, itente itente endrang de-e, antate apsele abjunsile, Kristu Jisu iingan Kitungan a ruang ganudingan a uhulkuijan apsele a sanengseng darakunaban hen aduduge abrijten” (Pillipi 3:13-14).