Jan 24 – GAMALIDEJAKO DARSHAN

Yohan 20:26 Pharan 8 dader pacha vo chela gharema rajas, Thoma sada vunder sath ra, bakal burmalejana, Yesu vunder vacha hubaran – thamena sandhan veda kan ko.

Parisayavalan, Yudulevalena Ajji Romavalun dekan Prabhur siluvar thyagam vegijer pacha chelavo massaj chamagge.

Maran pharan vutojako Prabhu bakalekan hubaro jana vo chelavo seji gharer bakal ghalnaken ghusrethey. Yesu vunder vacha hubaran – thamena sandhan veda kan ko. Vundepar vaalena phukarojana vo sey Pavithar Athmathi bharage. Hannuj voseji jorethi bharan, vunder vacha anandena denako. Yesu aayojana, baarema Yeklo Diduma kajako Thoma, vunder sath vetho koni. Migatha chelavo ham mothemathi pharan vutojako Prabhun dekan anand payejen dekan, Thoma Yohan 20:25 Jana vu Vor hathema molar ghavena Ma dekan, vu ghavema Mar angalina melan, mar hathena vor pakthima melutho savaa, nammukoni kan ko. Pharan 8 dader pacha vo chela gharema rajas, Thoma sada vunder sath ra, bakal burmalejana, Yesu vunder vacha hubaran – thamena sandhan veda kan ko

Yohan 20:27-28 Pacha, Prabhu Thoman dekan thu thar angalina yevadi laan Mar hathena dek, Thar hath laambo karan Mar pakthima melan, aviswasi veniju viswasi ven rakan ko. Jena Thoma – Mar Prabhu, mar Dev kan ko.

Thoman Bharthdesevalo ka sada keja. Yesu Prabhu maran vutojan Thoman dikayojana Bharath deshaj vethikoni, ajji vu deshethi kuni madhyavarthi vethikoni. Vu dadema saasij kenukatho Bharath desh kajako katha vethikoni malam cheni. Yesu Prabhun Athra jada Bharath desher bagey kalji vethijethi vu desheval matamanthraman, matha pichima haal venukoni kan deemo haptha yee Thoman Prabhu darshan dino.

Vuj Prabhu demo haptha Thoman darshan nadinovatho aaj Bharath dehsen seva saru ayevalo koni, athanu Prabhur vasu Chennai Bhakthidhar Thomar gatlapar hathashakshi vevalo koni. Katho Prabhu Bharath deshena ghano prem karrocha.

Prabhu dinojako darshanethij Thoma Bharath deshena aathanu Ganga nandir vacha vethejako Bamanevalena pujarivuna Ajji peetadhipathivuthi suvarthan kethanu Yesur vajalema chalayo. Ajjek haptha Thoman vorsaruj agedir darshanema vethikoni jen ajjek Darshanema yee sevar Darshan denako. Vuj Prabhu thona sada ajjek haptha darshan dethanu thona joran thakathethi bharevalo cha.