Jan 23 – NOTUN DIMAG!

Romans 12:2 “hobi bodlav bonai kene notun apuni laga mon, ki apuni praman kore ki ase bhal aru maniloa laga aru thik icha te Isor laga”.

Apuni ke lage ekta notun dimag itu notun saal te ki apuni pabole sob saman notun ke. Itu ase thik icha Isor laga ki  apuni bodli hoishe. Itu karone, jor di kene prathana koribi isor ke notun koribole apuni laga dimag ke.

Janibi thik icha Isor laga. Hobi majete Isor laga iacha te hodai aru sob te; aru pura koribi icha Isor laga. Jitya apuni itu kore, sob saman khan apuni laga jibon te pura hobo mahima thaki kene aru uttam hisab te. Aru apuni paribo sabole piche sob saman khan te aru sapha pora bujibo aru manibo ki itu barhibo Isor pora hi.

Aji laga homoi te, bishi ase ami khan atma khan te jun khan itu ke bishi digdar pai buji bole thik icha te isor laga tai khan laga jibon te. Tate aru dusra khan bi ase jun khan bhabna kore tai khan loi jabole tai lahan laga jibon ke hisab te thik icha Isor te jitya tok tai khan pura nakore ji ase tai khan laga mon te.

Sadi korai dibole bisara homoite lora laga porivaar khan bishi sai tai khan laga smajik stithi ke, pora likha ke aru rang ke dulhan hobole laga te, aru bisare ekta thik kimat dahej laga bi, aru gehna khan laga bi. Aru tai khan napai ji akha kore tai khan, tai khan iman tok bi jai ke itu Isor laga icha nahoi.

Apuni khan ke lage ekta notun dimag buji bole Isor laga icha ke; ekta dimag juntu thake naruhlkhi kene rishta Isor logote. Biswas pora hi, apuni khan milibo lage apuni laga dimag  logote aru Isor lag ate aru janibo lage Tai laga monk e.

Poila, Isor icha kore  Tai laga mon te apuni krone ki apuni ke lobule Tai laga porivaar te Tai laga nijor lora aru suali te khan te. “Tai  pora age pora hi bonai kene rakhishe lobule ami khan ke Tai laga putro kori kene Jisu Krista te Nijor ke, hisab te bhal icha khan Tai laga icha te” (Ephesians 1:5). Iman bi dangor avsar ase ji ami khan ase! Itu zaroori ase apuni khan ke mehsus korbole aru janibole ki apuni lora aru suwali ase Isor laga.

“hoilebi kiman bishi paishe Tai ke, tai khan ke Tai dishe adhikaar hobole Isor laga bacha, tai khan ke jun khan biswas korishe Tai te” (John 1:12). Itu karone, hobole dibi apuni laga dimag ke notun. Apuni aru nahoi videshi aru nachina hoilebi  apuni bhag ase Isor laga ghor laga; sadasya swarg porivaar laga.

Dusra, itu Isor laga iacha ase ki apuni pobitro thakibole. “kilekoile itu hi ase Iosr laga iacha, apuni laga pobitrota” (1 Thessalonians 4:3). Jinika ami khan laga Isor tu pobitro ase, inika hi apuni pobitro hobo lage. “killekoile itu likhi kene ase, ‘bonibi pobitro kilekoile Ami pobitro ase’”(1 Peter 1:16).

Isor laga bacha khan , saph koribi nijor ke. Tate thakibo narukhi kene  notun hua apuni laga dimag laga, judi apuni pura diye nijor ke hisab te thik icha isor laga te.

Aji bhabna koribole laga pobitro kotha tu hoile 1 john 5:14 “itya  itu ase atmabiswas ki ami khan ase Tai te, ki judi ami khan mange Tai laga icha hisab te, Tai hune ami khan ke”.