Jan 23 – MANTRALAY JUNTU HARISHE!

Zechariah 2:12 “aru Isor pora loi jaga Judah laga Tai laga adhikaar Pobitro mati te,a ru dubara chune Jerusalem ke”.

Peter, machwara ke dishe uncha mata isor pora, dhuribole manu ke Tai karone. Tai shikhaishe Peter  ke tin saal adha nimite tai laga mantralay te.a ru Tai dishe tai ke Shakti koribole achurit chamatkar khan ke.

Isor laga prithibi laga mantralay khotom hobole homoi te, Judas Iscariot charishe Tai ke tista chandi laga sikka ke. Jitya ekta naukar chukri hudishe Peter ke, ‘ki apuni thaknai Jisu logote’, tai mana korishe bhoi pora. Agete murga hala nakora laga, peter mana korishe tai ke tin baar.

Pobitro kotha te koi, “Peter yaad ahishe kotha Jisu laga jun koishe taike, “agete murga hala kora laga, apuni ami ke mana koribo tin baar”. Toh tai jai bahar aru kande tinta mon pora”(Matthew 26:75).

Utu homoi te mana kora laga, isor pora ghurishe aru saishe Peter ke dur pora; aru Peter pura dukh hoishe tai laga mon te. Tai chinta korishe aru koishe nijor ke, “Alas, ami mana korishe Tai ke jun morom korishe ami ke. Ki Tai ami ke  khemai koribo? Ki Tai aru lobo ami ke? Ki ami paribo piche hobole Tai ke jinika atith laga din khan te? Ki ami seva koribole paribo Tai ke?”

Hoilebi Isor pora charanai Peter ke jun kandishe tita  hoi kene pachtava pora. Tai dishe Peter ke dusra avsar. Aru Isor pora uthaishe peter ke ekta tagot chela te isor laga. Tai dishe anugrah taike bodli koribole mon ke haraz manu khan laga aru milibole girja te.

Bacha khan isor laga, apuni hobo pare ekta bhanga borton nishina aji. Apuni hobo pare chinta ki apuni ahishe hekh te apuni jibon laga;a ru judibi apuni iku kaam karone dusra nimite. Isor ase anugrah nirmaan koribole dubara aru uthabole apuni ke

Olo saal agete, tate ekta tagot naukar thakishe isor laga tamil nadu te. Tai laga prachar khan iman asardaar thakishe aru tate thakishe bishi piche ahi kene United states te.  Kunuba khan thakishe suku joli kene tai ke aru tai laga mantralay ke, aru rakhishe tai karone ekta yojna giribole paap te bebichar laga. Itu pichete, naukar Isro laga mehsus korishe ki abhishek Isor laga jaishe tai pora.

Tai kandishe tita mon hoi kene aru koishe, “aya, ami phelaishe Isor ke aru mana korishe Tai ke jun dishe ami ke tagot mantralay ami laga hath te”. Challis din aru rati nimite, tai upwas loishe aru girishe maujudgi te Isor laga.a ru jitya tai nomro korishe nijor ke, isor anugrah te dishe tai ke dusra avsar;a ru dishe tai laga mantralay ke wapas.

Bacha khan isor laga isor pora naloi bahar laga chabi ke; hoilebi tai sai apuni laga mon ke. Judi apuni hossa te pachatava ase apuni laga paap khan nimite aru golti khan nimite, tini hoile isor pora dibo apuni ke dusra avsar. Itu karone phelai dibi sob dhul khan ke nirasha laga aru uthibi Isor karone aji.

Aji dhyan koribole laga pobitro kotha tu hoile Ezra 5:11 “ami khan ase naukar khan isor laga swarg aru prithibi te,a ru ami khan uthai ase mondir ke juntu ke bonaishe bishi saal agete, juntu ekta dangor raja Israel ke boniashe aru pura korishe”.