Jan 22 – GAMALIDEJAKO KRUPA

Ruth 2:12 Yehova thu kidijena phal devalo cha,Yisraelevaler Dever pakodar heta aasro chavnukan aayijako thona, bharpur bahumanen dacha kan vona vuthar dine.

Dev apaner jeevanen navvethi rupsevalo cha, ajjek avakashan sada devalo cha. Thutarijako dallevun samjathanu, thutgijako sambhandavun jodevalo cha,joyi vegejena yek karevalo cha. Sukharijako hadkavun sada banchadevalo cha vu Prabhu Yesu.

Ruth kajako yek Moyaber Dusar jatheval, bepta chenijako dhani margojako kervenijako dukhama vethi. Kun vor dukhan Samjhayeval cha katho? Asso vagathema apan seji ascharya vaju dheerethi thamijen dekacha.

Vu kunsi sambhandavupar adhara padanaju Yisraelevalemathi vethijako vor saasu Naomiparaj adhara padi. Vu vor devathavun dhokeniju Yisraelevaler Deven athraj dhoki. Vu Ruth Yisraelevaler Dev vor vumpar adhar padevalen madath karan, vunden chodeniju navvo jeevanen denakacha, kan viswas kidi. Dev dayathi Ruthen Boyazen dhanir nai dino. Vuj Boyazer valademathi David aayo. Vuj Daveeder valademathi Yesu Prabhu aayo.

Dr. Justin Prabhakar kajako sevak margojana vor gonnina Ajji dee nankyas beptana kun dekhiye kan haayi khade. Lapan vu yadin ajjek sevak vayya karlen ajjek navvo jeevanen arambha Karen Dev daya dakalo.

Ajji Sudhakar bhai margojana vor gonni Yekloj betan kun dekiye kan keldey. Lapan Dev vunder hathen chodeniju ajjek hachas dhanin dethanu jodavado karnako. Yisraelevaler Dev kathra dayathi chutgecha Kela Jako niyathedharevun yek karan navvo jeevanen denakevalo cha kunika.

Hannuj thar katmalema sada jada mot samasyama chakaiko. Ajji mannaj athra jada vela kassen aricha kan, athra jada appuma ma kasen chu kan kelerochi ka. Vujji thar naukari gamalethanu manna ajjek naukari malan mar katmalena sammor dekliyu kai kan kelen pharrochika. Thu karrojako vyaparama nasta vethanu haayi karrochika. Atho Yisraelevalen jathan karrojako Prabhun thu asro karlastho Ajji thona sada vor dayathi chodathanu navvo jeevanen devalo cha kan bhulmath.

Ajji jada dhyan Karen pado Geeder grandh 80:3 Dev hamena pharan rakvali kares, Thar Mundena jhankaju kares, jana ham rakshan palacha.