Jan 22 – Asuyeman S’idle!

“GAMANGtungan bara-nam a j’o ti-amte do GAMANGtungan Israel a GAMANG Kitungan a renenganji a jaitan a badturnaben asan aman yerai. Anin d’ong-nam barij uhulkuijan ti-amte” (Rut 2:12).

Ranapti-lingan hadab adeben asan ganudingan adele. Anten asan, ambendaman aradutabenan ate murdadam.  Kitung-lingan radudamlen baran lumba: “D’ong-hen abraduten a Kristun batte kuddub baran rapti limtai. Raja Daudo ayengan amandran.

Anin dile dinna-lingan ranaptin saring ranaptin hageten kuddub a mandrengna-lingan, do Kitungan a d’ong abgugule man’oihan hangle. Anin gamle: “Gamangtungan ranapti-hen do kanenken-hen, bar Anin anablu-hen dele.

Er galammar, er t’ulmar, buteja mang-hen agasa gamle a kudingdongne. Bibolan gamte: “Bindo wordar, lingan itente kekadageantate Kitungan seda-eten. yante gamle Anin banuddi maranji a d’ong rapti gabroite Bar ordar lingan itente er tul, antate Kitupgan sedaeten, ,yante Agamle Anin ranapti maranji a dong rapti gabroite” Kitungan d’aongben sedale do Kitungdage aranaptin ahangte.

Daudo gamete: “Aman d’ong-hen sanun apsele ranadun batte abjidublih? do asanggem-ling-hen a dztenanji a mandranji a d’ong Aman abjaitale. Bera mar-henji a d’ong abgegeben asan.

Aman d’ong-hen ranadun tiytih, do Kitung-hen a ranaptin batte aninji a kintalan hen zrjable padtai. Israelmaranji buteja er t’ul adakuadji. Mojes, ayengan amandran Misor saring tandile urungetenji. Buteji kun ayam er t’ulge.

Admangadnji orde iteja adeadji, aninji bosoa bokurdn mihnum sikoija. Kun ambrij, Kaleb anin unji-kurdi monloi mihnum dakule janang anin admagad. Anin gamle: “Bar gija, nami hen unji kurdi-monloi mihuman delih, Dele janang Mojes angante appailih angale!

Ranadu-hen dakule, ettele nami janang daku; do sanun apsele engale ranapti-hen dakule, ettele nami janang daku”. Anab-boiling do boi boi murdadam, anablu ahangte adnang amben ranaptin ahangte. Amben anablu ahangte adnang, imdam-ling araptite Kitungan do Kuddub ruangan amben ampara dakugamle. Aten asan Daudo edalen man’oihan batte gamle: “E Gamang Kitung-hen, Radu Dandrab Mar-hen, Aman sanu dinna lingan b’ob-hen ruble”.

Anab-bagu lingan, Kitungan aberna-ling ranaptin daku. bibolan gamte (Mattiu 11:28). Tanahimdam Kitungan a onagji, Kristu lingan tiyj’enaba do a berna lingan.

Okiy Kinolbe absele: “E Kitung, d’ong-len abdaiyarren, Mukka-Nam mangba-len abpuanga do anlen anablun a hangtai” (Sanenken 80:3).