Jan 22 – ANUGRAH JUNTU HARISHE!

Ruth 2:12 “isor pora tirabo tumi laga kaam ke, aru pura inaam dibo tumi ke Isor Pormeshwar pora Israel laga, bhitor te jun laga phankha laga tumi ahishe jaga karone”.

Isor pora notun kore ami khan laga jibon ke; aru diye dusra avsar ke. Tai uthai ami khan ke dubara. Tai dilasa diye bhangi thaka mon khan ke; Tai bonai bhangi thaka rishta khan ke; aru Tai ane bhangi thaka porivar ke iki logote. Tai ke ase Shakti dibole jibon ke sukha haddi khan ke.

Ruth, Moabite maiki jun harishe tai laga mota ke, jawan umor ke; aru tai pura mon dukh hoishe. Kun pora dialasa dibole paribo tai ke? Tai ke nai kunu bacha. Hoilebi ami khan bishi khushi  hoishe tai laga bhabna ke, iman biya poristithi te bi.

Tai nirbhar koranai tai laga khandan khan ke, hoilebi dhuri thakishe Naomi ke, tai laga Israelite mota laga ama ke. Moabite putla khan ke jhuka laga badli te, tai jaga loishe pankha te Israel laga Iosr agete. Tai bswas kore tai laga mon te ki ‘ Isor hi ase ami laga jaga; aru Tai pora nacharibo kotyabi jun khan bisare jaga Tai te. Isor hobo anugrah ami ke;a ru Tai pora dibo ami ke ekta notun jibon’.

Aru Isor hosa bi anugrah kre tai ke,a ru dishe Boaz ke tai laga mota hbobole. Raja David jonom hoishe utu iki line te. Aru isor Jisu bi jonom hoishe iki line te.

Jitya Dr. Justin Prabhakar mori jaishe, bishi naukar khan isor laga chinnta korishe tai laga aha din nimite maiki aru bacha khan laga. Hoilebi Isor pora charanai tai khan ke;a ru tai uthaishe utu porivaar ke aru ekbaar, di kene tai ke ekta jibon sathi.

Utu nishina, jitya Bro. Sankar morishe, bishi khan pora bhabna korishe tai laga maiki aru chokra nimite. Hoilebi isor pora uthaishe utu porivaar ke dubara, di kene tai ke ekta bhal jibon sathi. Kiman bi hosa ase ki isor Israel laga uthai ghor khan ke dharmik khan laga!

Hobo pare apuni laga porivaar jai ase bishi dangor samasya pora. Apuni bi hobo pare chinta mon te ki kinika apuni paar koribo paribo itu bhar pora. Nahoilebi apuni harishe pare apuni laga kaam ke aru bhabna kore ki judi apuni pabo aru  kaam dibole apuni laga porivaar ke.nahoilebi  kinika apuni bahar ahibo utu dangor luksan pora vyapar laga. Polabi aru bisaribi jaga pankha te Israe laga Isor te.a ru Tai pora hosbi ahram dibo apuni ke aru bachai rakhibo.

“Ahibi Ami te, sob jun kaam kore aru ase bhari buki kene,a ru Ami dibo apuni ke ahram” (Matthew 11:28). Bacha khan Isor laga, dhuribi taan pora apuni laga Biswas ke Isor te.

Aji dhyan koribole laga pobitro kotha tu hoile Psalm 80:3 “ghurabi ami khan ke, O isor; kilekoile Apuni laga chehra chamke,a ru ami khan bachibo!”.