Jan 21 – Tabme Asuyeman!

“Gamangtungan a erztna asuyeman asan anlen san’zdan addelai, iten asan gamlenden Anin asuyeman er ahiddam. Dile tagaldan kuni tabme dete; Aman asuyeman yan a surda!” (Edana 3:22-23).

Amben sattang Janggardadage abaran adhage bindo amben Kitungdage abernanji ahangte Kitungan amang saring. Kan batte, amben manaridan batte amayanggodban abmangnaben dete. Kitungan atanimhiman batte, dernan batte, do Kristun ataramtaman adaneben apsele janang!

Tette bo surda derdernan ahangte ayengan amandranji amayanggodban abmangtenji. Bibolan gamte: “bindo Anin panunggen a deten adnang Anin ambrij anlen detabe. Gamle anlen a galam, iten asan gamlenden, engale Anin daku, ettele anlen Anin a d’ong gijtabe.

Kan ate mandran apsele ahangben tungnadam amayanggoddan (Aparamangtan 21:1, 22:3). Tanimhim-lingan amayang. Derna-lingan, sanayam-lingan, kuddub bangsa bara lingan amayang deben dete idjapo. Angante Kitungan amandran a d’ong kan ambrij.

Anualan dele, anin kan ambrij adyerberle: “di-dargam kan ambrij aluben boi-boi kalkaldam gameten. Anlen jajingante ate umdrengben dete; Kritun na hen apsele amayanggodban gamle hamle dakunaben dete. kan ate amukkan na do ataramtaman hen mandrengna ling-hen janang alumben dete (Aparamangtan 22:3).

Angante amben kan ambrij alumte bangsa anoblingan kznolle, ajardina amben amayanggodban abmangten. Do amben Kristu a danete butente barij amayang daku. Bindo sonuman tabme ruangan do tabme ordarlingan adgane.

Iten asan gamlenden Kitungan sonuman a d’ong tolbadte dile tordong abmele. Tabme riangan do tabme ordaran amben sattan apsele ayengan amandranji Kristu-lingan tabme gadeleji (Sanenken 90:14). Purban ayamling, Noa do a birindanji bungsang-lingan ganleji, er kaddablingben. Amandrengan bandaneten bo handramdage amandran ambrij. Amben angante banandan ahangte tabme garadil-lingan (Hanagod 34:2).

Aboi konkordin adren boo la-lingan adreten. Kun adre-lingan aon konkordin duntinai do olanji jumte. Do kononrdin gadelte ateng ayam erdinglabe. Bindo asui ayam atiki bo surda konkonrdin gadelte do bo tabme ordarba yirtai. Papwr ordaran aboi olan.

Tanahimdam Kitungan a onagji, angante amben ruangan rajamban agante, amben bo banandan ahangte do Kristu amukkan taniyan dete, do bo tabme panuangan batte agante. Do tittelingan pitun, anangan, bimbiman.

Okiy Kinolbe absele: “E Kitung, Aman na Kitung-hen do hen d’ong-Nam umeng sanilsaijtam. D’an ahadlen asarsol desa lingan pwrarda-hen Aman apsele anargalan daku do jelu-d’ong-hen Aman apsele malitsumdate” (Sanenken 63:1-3).