Jan 21 – NOTUN ANUGRAH!

Lamentations 3:22-23 “Isor laga day pora hi ami khan khotom  nahoi, kilekoile Tai laga morom kitya bi naharai. Itu khan notun ase hodai phujir; dangor ase Apuni laga viswasita”.

Itu saal khali saal nahoi notun anugrah laga; hoilebi, saal jote apuni ginti barhabole pare apuni laga anugrah laga. Hobole dibi apuni swadh chakhi bole anugrah laga Isor laga hodai din itu notun saal te! Hobole dibi apuni tagotwar aru khara koribole Tai laga anugrah te hodai din itu notun saal laga!

Hodai phujir, apuni ghutna teki bo lage maujudgi te Isor laga aru prathana koribo lage girabole Tai laga anugrah ke apuni te. Apuni mahima bi koribole lage aru dhonyabaad dibole lage sob Tai laga anugrah khan nimite 21st juntu Tai giraishe apuni te apuni laga poila din khan pora.

Bura baba Abraham thakishe ekta adot uthibole joldi (Genesis 21:1, 22:3). Jitya isor hudishe taike daan dibole tai laga lora Isaac  ke, itu pora tai laga monk e chipai dishe. Hoilebi, tai uthishe joldi utu phujir pura koribole Isor laga kotha ke.

Pobitro kota te koi: “toh Abraham uthishe joldi utu phujir aru kathiya lagaishe tai laga gadha ke,a ru lishe duita tai laga jowan chokra tai logte,a ru tai laga lora Isaac ke; aru tai phalaishe khori ke jolai diya laga daan nimite, aru khara kori kene jaishe utu jag ate jote Isor pora tai ke koishe” (genesis 22:3).

Isor Tai laga bhorta anugrah te, bonaishe manna duth laga swarg khana ke borokhun nishina giribole tai khan  karone. Juntu tai khan  kitya bi kheti koranai; nahoile bi pani dhalanai nahoilebi katanai. Hoilebi Isor Tai laga bhorta anugrah pora, giraishe manna dui lakh Israel manu khan karone bhodai phujir, challis lamba saal nimite.

Hoilebi moses pahoranai anugrah laga hodai phujir. Tai prathana korishe: “oh santusht korishe joldi apuni laga daya loogte, ki ami khan anondo koribole aru khushi hobole sob din khan tea mi khan laga!” (Psalm 90:!4). itu diye amikhan ke ki notun anugrah ki isor matishe tai ke ahibole pahar Sinai te phujir te. “toh tayar thakibi phujir te,a ru ahibi phujir te pahar Sinai te,a ri didbi nijor ke Ami ke tate uporte pahar laga” (exodus 34:2).

Itu ke apuni ginti barhabole anugrah te,, itu bishi zaroori ase ki apuni bohibole theng te Isor laga hodai phujir laga homoi swadh lobule aru anubhav koribole Tai lagaanugrah ke. Apuni laga  jibon bhorta hobo achurit shakti pora, tagot aru jor pora jitya apuni porhe kotha Isor laga;a ru bhabna kore Tai laga morom aru anugrah te.

Isor laga bacha khan, Isr prabhu jun berai bagicha te Eden ;laga thanda homoi te din laga, dibo apuni ke notun anugrah hodai phujir itu notun saal te aru bonabo apuni ke swadh janibole Tai laga khotom nahua morom laga. Tai pora ashirbaad dibo apuni ke bhorta kori kene.

Aji  bhabna koribole laga pobitro kotha tu hoile Psalm 63:1-3 “oh Isor, Apuni hi ami laga Isor ase; joldi Ami bisaribo Apuni ke; ami laga atma pyas lage Apuni karone; ami laga gau icha kore Apuni ke ekta sukha aru pyasa matite jote tate pani nai”.