Jan 21 – MILAP JUNTU HARISHE!

1 Corinthians 15:22 “kintu Adam te sob more, inika hi Krista te sob ke bonabo jibit”.

Isor pora bonaishe Adam aru Eve ke Tai laga nijor chabi te aru iki charitra te. Isor ahe aru tai khan ke lok kore thanda te din laga.hoilebi Adam rakhibo paranai nirantar utu dangor milap ke isor morom laga.

Adam aru Eve khaishe nakhabole laga phal ke aru girishe paap te. Tai khan mana nai kotha te Isor laga; hoilebi dhyan dishe satan ke; aru ghurishe khilaf te isor laga.

Itu laga natija, tai khan ke khedai she bahar Eden laga bagicha pora. Satan loishe adhikaar aru pura hakh ke Adam pora; aru bonishe rajyokar itu aprithibi laga. Kiman biya ase natija paap laga!

Pobitro kotha te koi, “hoilebi apuni laga golti khan  alag korishe apuni ke apuni laga Isor   pora; aru apuni laga paap khan pora dhakaishe Tai laga chehra ke apuni pora, ki Tai pora nahunibo” (Isaiah 59:2)

Ki Isor pora hodai din karone phelai dishe Adam ke, eve ke aru pura manu jati ke? Duita bi manu aru duth khan paap korishe khilaf te isor laga. Hoilebi duth khan panai daya ke isor laga; aru tai khan ke diyanai dusra avsar(Jude 1:6). Hoilebi manu paishe daya nazar te Isor laga; aru Isor pora dishe manu ke dusra avsar.

Isor Jisu ahishe prithibi te dusra Adam hoi kene, dubara dibole sob juntu harsihe poila Adam pora. Bagicha te Gethsemane laga, Tai prathana korishe dukh hoi knene aru Tai laga posina bonishe dangor boondh khun nishina. Tai jaishe  inika bhuga ke dubora dibole sob juntu ke hari lishe Eden laga bagicha te. Tai aru dishe bi Tai laga jibon ke Krsuate dibole khemai ke ami khan paap laga; dibole anondo ke paritran laga; aru dubara khara koribole milap ke Isor logote.

“kilekoile manu pora ahishe mrityu, toh manu pora hi anibo purnar utha ke mrityu pora. Kintu Adam te sob more, inika hi Krsita ke sob ke bonabo jibit. Hoilebi sob jon tai laga nijor hisab te: Krsita poila phal, pichete jun khan ase Krista te Tai wapas aha te” (1 corinthians 15:21-23).

Isor pora anugah te dishe dusra avsar aru homoi anugrah laga ami khan ke pabole sob jitu harsihe Adam pora, Krsita Jisu te. Itu karone, apuni raj koribo sob te ji harsihe.

Bacha khan isor laga, hobole dibi apuni laga suku khan ke dhyan dibole Krsita Jisu te, jun ekla hi dubara khara koraishe apuni laga rishte ke Isor logote.

Aji dhyan koribole laga pobitro kotha tu hoile 1 corintahians 15:45 “aru inika itu likhi kene ase, “poila manu Adam bonishe ekta jibit manu”. Hekh te Adam bonishe ekta jibon diya atma ke”.