Jan 21 – MANGKHRABA MARI!

“Adamda mi khudingmak sikhiba adugumna Chrstadasu mi khudingmak hingle.” (1 Corinthians 15:22).

Iswarna Adam amadi Evebu mahakki mitam louduna semkhibani.  Iswrna makhoi anibu numidang wairam hangchit langbada yengba laklammi. Adubu Adamna Iswarga aduk ki matik nungaiba mari adu manghankhre. Iswargi nungshibadagi leikha tare.

Adam amadi Evena chaheidaba uhei adu chaduna papta takhi. Makhoina Iswargi waheibu ngakte,adubu satangi wa oina induna    Iswargi maiyokta leikhre.

Madugi mahei oina makhoi anibu Eden ingkhondagi tanthokpikhre. Satanna ADamdagi matik panggal adu munbikhre. Aduga mahak taibangpanbagi mapu oirakle. Papki mahei asidi kayada tamthikhrabano?

Sastrana hai, “ adubu nakhoigi ayol aransingna nakhoibu nakhoigi  Iswardagi tonganhalle. Aduga nakhoigiu papna mahakki matihong nakhoidagi lotsinkhre, aduga mahakna tabiroi.” (Isaiah 59:2).

Iswarna Adam amadi taibangmi pumnamakpu lomba naidana hundoklagadra? Mi amadi dutsingna  iswargi  maiyokta pap toure. Adubu swargadutsingna Iswargi thoujan phangdre,aduga makhoibu khudongchaba pibidre. (Jude 1:6) adubu taibangminadi Iswargi mityengda chanbiba phangi,aduga Iswarna mioibabu anisuba khudongchaba adu bu pibire.

Ahanba Adamna manghankhraba khuidngmaktu anisuba Adam oiba Jesuna loinamak hanjinbire. Mahakna Gethsemani ingkhonda pukning wana humangbu ee matum gumna taduna haijakhi. Eden ingkhonda mangkhraba adu hanjinnaba gi damakta mahakna awaba kaya nangle. Eikhoigi pap ki usin oinaba mahakna Calvary Cross thakta pangtingkhre. Arankhubamgi nungaiba hanjinnaba amadi Iswarga mioibagi marakta leinariba mari adu hanjinnaba mahakna pangthokpire.

“mi amagi mapanna siba lakkhi, aduga mi amagi mapanna sibadagi hinggatpasu lakkhi. Maramdi Adamda mi pumnamakna sire, matou adumna mi pumnamakpu Christada hinghanbigan.  Adubu mi khudingmak magi magi matamda oigani, ahanba mahei oiriba christa, madugi matungd Christana lenglakpa pumnamak manghallaba matungda, mahakna ninghtou leibak adu mapa  iswarda sinnarabada, aroiba adu lakkani.” (1 Corinthians 15:21-23)

Iswarna  anisuba chance pibire aduga Adamna manghankhraba adu phangnanaba thoujal gi matam pibire. Aduna nahakna manghankhraba khudingmaktu amukka phangba ngamgani.

Iswargi machasing, nahakki mitna Christa Jesuda yengbiyu, mahaktana Iswarga nahakki marakta leinariba mari adu sembiba ngambani.

*Dhyan tougadaba: “aduga masi iduna leibani, Ahanba Adam asi ahingba mi oirakle, akonba mi Adam asi hingba pibiba thawai oirakle.” (1 Corinthians 15:45).*​