Jan 21 – GAMAGIJAKO SAMBHANDA

1 Corinthivalun 15 :22 Adamema sey marajernai, hannuj Christhuma sey jeevacha.

Adamena Havvan Dev vor sayaaman rupema thayar kido. Dev vunden koju vath maneniju bhuther vath manan, Devenaj virodhvagi pap karnake.

Dev Adamena Havvan vu Edoner thotamathi bhar dhakalnako. Janna bhuth Adamemathi palan karer adhikara kanaken yee jageparaj adhikari vego. Yee kathra moto masaanesarik pap kunika.

Yeshaya 59:2 vachanema Devenan manikyan yee papaj cheti karnakicha, thamar paper vadithi Dever mundo burnakicha jethi vu apaner arajen samleni. Yuda 1:6 vunder hakkamer jaagena jathan karleniju, vunder vasser jaagena chod dinejako sojan, moto dader neve vas andharo gadappema, hameshar sanklithi bhandan jathan karmelochu.

Hannu agediyar Adamer vadithi gamalidejako Devethi sambhanda  Apanen abba deemo Adamer nai aayojako apaner Prabhu Yesu Christhur vadithi pharan bhandaagi. Kassen katho vuj apaner papenan saraaper ghali Gethsemane thotama paseena loyeer nai vaju araj karan vor siluvan kaandepar paldethanu vu redojako pavithar loyeethi Apanen shudh karan vu Devethi bhelnaken gamagijako jeevanen ajjek haptha navvo jeevanen denako. 1 Corinthivalun 15:21-23

Ajji jada dhyan Karen pado 1 Corinthivalun 15:45