Jan 20 – Tabme Ranaptin Raja-ontidan Ambrij!

“Bindo ayengan a mandranji Gamangtungan apsele omdeteji, aninji tabme tabme ranaptin hangteji aninji raja-ontidan ambrij renengle lanangkaban engteji; aninji yzrtenji bindo lingkij ongkijge adde-eji” (Jisaiya 40:31).

Bindo sonuman tabme ruangan do tabme ordarlingan adgane. Iten asan gamlenden Kitungan sonuman a d’ong tolbadte dile tordong abmele. Tabme riangan do tabme ordaran amben sattan apsele ayengan amandranji Kristu-lingan tabme gadeleji.

Purban ayamling, Noa do a birindanji bungsang-lingan ganleji. Titte bo surda ganuran dakule ateng denna sikoija, er kaddablingben. Amandrengan bandaneten bo handramdage amandran ambrij. Amben angante banandan ahangte tabme garadil-lingan (Luk 24:49).

Aboi konkordin adren boo la-lingan adreten. Kun adre-lingan aon konkordin duntinai do olanji jumte. Do kononrdin gadelte ateng ayam erdinglabe. Bindo asui ayam atiki bo surda konkonrdin gadelte do bo tabme ordarba yirtai. Papwr ordaran aboi olan. Bindo bo surda tabme ordaran gamlenden kan labo ordaran ate gadlamte. Tabme Riangan do Tabme Ordaran butente butente tabme ganadelan deleji

Kristu-lingan aninji apsele omdele-daku. Nami a denalinganji, angante Kitungan Jisun anab-bagu dayernaban adamlangten, jznjzn murdadaman abaran anlen lumben dete amayanggodban abmangnaben dete.  Amayanggodban’ gamlenden kuddub Kitungan Jisu Kristun amangling adakun ataramtaman.

Angante anlen gamtabe  ‘amayanggodban’, itente tampagal ahangtaben ate ted orde angailingan orde mihnumlingan ted. Antate Kitungdage abaran itente Kitungan asuyeman batte ahangtaben ate do ablen sandle. Dile dinnan anlen amayanggodban abmangnaben dete.

Jajingante a Kristu-marji ordardage a mandrengna abhanadamtenji do aninji ijaja adsajeji Kitungle anab-bagu dayernan amayanggodban. Amangdrengna linganji ateng kanalkalan yirtai kuni kani abmele.

Anappai Pol gamlangten amayanggodban abmangnaben dete gamle. Anin asanensengan di-dargam mandranji Kristu-lingan dakunaben dete gamle. Angante Kristun batte ahaten do amayanggodban abmangnaben apsele

Tanahimdam Kitungan a onagji, Kristu lingan tiyj’enaba do a berna lingan. Kristun batte tanurdu-lingan dakunaba. Angante kan ambrij amben alumte, amben ergalam adnang, amben amayanggodban abmangten Kristu a mukka batte.

Okiy Kinolbe absele: “Dele janang Mojes angante appailih angale ranadu-hen dakule, ettele nami janang daku; do sanun apsele angale ranapti-hen dakule, ettele nami janang daku” (Josua 14:11).