Jan 19 – Monnan S’idle!!

“Do Jisun amangban iyan iyle ayengan a mandran amang saring kulmanji dungle yerreji, kun a mandra sindrin jijian jijilen, bangsa monnan dele, Jisun a j’engban a goblenate gijleji. Bar aninji bantongleji” (Luk 8:35).

Nami a denalinganji, angante Kitungan Jisun anab-bagu dayernaban adamlangten, jznjzn murdadaman abaran anlen lumben dete amayanggodban abmangnaben dete. Amayanggodban’ gamlenden kuddub Kitungan Jisu Kristun amangling adakun ataramtaman. Angante anlen gamtabe  ‘amayanggodban’, itente tampagal ahangtaben ate ted orde angailingan orde mihnumlingan ted. Antate Kitungdage abaran itente.

Kitungan asuyeman batte ahangtaben ate do ablen sandle. Dile dinnan anlen amayanggodban abmangnaben dete. Jajingante a Kristu-marji ordardage a mandrengna abhanadamtenji do aninji ijaja adsajeji Kitungle anab-bagu dayernan amayanggodban.

Amangdrengna linganji ateng kanalkalan yirtai kuni kani abmele. Anappai Pol gamlangten amayanggodban abmangnaben dete gamle. Anin asanensengan di-dargam mandranji Kristu-lingan dakunaben dete gamle. Angante amben Kristun batte ahaten do amayanggodban abmangnaben apsele. Amben sattang Janggardadage abaran adhage bindo amben Kitungdage abernanji ahangte Kitungan amang saring. Kan batte, amben manaridan batte amayanggodban abmangnaben dete.

Kitungan atanimhiman batte, dernan batte, do Kristun ataramtaman adaneben apsele janang. Tette bo surda derdernan ahangte ayengan amandranji amayanggodban abmangtenji, bindo Anin panunggen a deten adnang (1 Pitor 5:8-9).

Anin ambrij anlen detabe, Gamle anlen a galam, iten asan gamlenden, engale Anin daku, ettele anlen Anin a d’ong gijtabe. Kan ate mandran apsele ahangben tungnadam amayanggoddan – tanimhim-lingan amayang. Derna-lingan, sanayam-lingan.

Kuddub bangsa bara lingan amayang deben dete idjapo? Angante Kitungan amandran a d’ong kan ambrij anualan dele, anin kan ambrij adyerberle: “di-dargam kan ambrij aluben boi-boi kalkaldam gameten. Angante amben kan ambrij alumte bangsa anoblingan kznolle, ajardina amben amayanggodban abmangten, Do amben Kristu a danete.

Tanahimdam Kitungan a onagji, Butente barij amayang daku. Kristu lingan tiyj’enaba do a berna lingan. Kristun batte tanurdu-lingan dakunaba. Angante kan ambrij amben alumte.

Okiy Kinolbe absele: “Anten asan j’e benji a dian jiduban jidublen ambrij, kilkillen adlinglen dakunaba. Jisu Kristun a panunggen ayam lingan mangba ben a yertaian asuyeman abmele hadabloge ” (1 Pitor 1:13).