Jan 18 – MAHAANTA JUNTU HARISHE!

Deuteronomy 28:13 “aru isor pora bonabo tumi ke matha aru pochur nahoi; tumi hobo uporte khali, aru nahoi  niche”.

Jun khan harishe tai khan laga jibon te; jun khan bhugishe dangor nuksaan tai khan laga vyapaar te; nahoile jun khan harishe sob tai khan laga naam aru ijjat ke hodai sabo piche homi te sob mahima te aru aghe laga mahaan te ke tai khan juntu khushi kore atith te.

Tai khan kobo pare ekta dukh mon logote, ‘ami thakishe bishi sundor ghor ami nijor laga, ekta kimti gari aru dangor poisa ami laga bank  te. Ami thakishe bishi  naukar khan dekh bhal koribole ami laga sob dorkaar khan ke. Hboilebi ami harishe sob ke’. Isor Jisu ase Tai jun bisare aru bachai hari ja khan ke; Tai dubara dibo sob juntu harishe aru uthabo apuni ke; aru apuni laga porivaar ke. Tai kosom dishe bonabole apuni ke matha aru nahoi pochur ke. Apuni hboo uporte khali niche nahoi.

Ekbaar  ekta vyapaari bhugishe dangor nuksan ke tai laga vyapaar te aru bonishe bankrupt. Tai pura mon dukh hoishe bhangi kene aru sorom hoishe manu khan laga majete bi. Aru homoi jai kene tai dimag laga rogi hoi jjaishe.

Pastor utu girja laga ahishe janibole tai laga poristithi ke; matishe tai ke aru koishe kotha khan utsah laga. Tai prathana pora koishe, ‘apuni nahoi nich stithi te. Aru hosa te ase khas aru bhgya thaka nazar te isor laga, aru Tai ase apuni logote. Apuni ke arubi ase bhabishya agete apuni laga; aru apuni haranai anugrah ke Isor Jisu laga. Itu karone, dhuribi hath khan ke Isor Jisu laga. Apuni hosabi ahibi uporte; aru Isor pora hosabi ashirbaad koribo apuni ke’. Itu prathana laga kotha khan utsah laga, bonai ekta dangor asar utu vyapaari te.

Utu utsah pora tai jaishe ghor te,a ru shuru korishe porhi bole Bible ke mon di kene. Tai laga mon chuishe, jitya tai porhishe itu podh ke, ki “Apuni ase nimok itu prithibi laga”. Tai loge loge shuru korishe bikabole nimok ke thela te. Isor thakishe tai logote;a ru ashirbaad korishe tai ke ekta lahe pora bhal vyapaari; aru modot korishe tai ke kini bole dangor nimok bosta khanke tai kinishe bishi lorry gari khan ke vyapaar koribole nimok lagan agar te;a ru kinishe bishi bangle khan ke. Tai dishe khuli kene isor laga mantralay nimite bi aru anondo hoishe isor te.

Tate ase bishi, jitya tai khan bhuge nuksan ke tai khan laga vyapaar te, bhabi kene dhar lobule kinika hoilebi paar koribole poristithi ke. Taikhan jai bisari kene dhar diya manu khan ke jun khan bishi interest te diye. Tai khan bhabna kore thik bonabole dangor nuksan khan ke inika dhar khan pora. Hoilebi bible pora ami khan ke bar bar koi kene ase dhar nalobi koi kene

Ki apuni harishe sob apuni laga jibon te? Bohibi theng te isor laga aru sabi nijor ke. Hudibi nijor ke ‘kile inika hoishe ami logote? Ki ami dukh kori dishe  Isor ke ami laga kaam ar bhabna khan pora? Ki ami golti korishe Tai lag adesh khan te? Ki tate moila ase ami laga hath te? Jitya apuni bonai thik siddha sob tai khan ke jun khana se terha, Isor pora hosabi khulibo notun rasta ke apuni karone aru uthabo apuni ke.

Aji dhyan koribole laga pobitro kotha tu hoile Deuteronomy 28:12 “Isor pora khulibo apuni ke Tai laga bhal tijori ke, swarg ke, dibole borokhun apuni laga mati te itu laga botor  te,a ru ashirbaad koribole sob kaam khan ke apuni laga hath ke. Apuni paribole dhar dibole bishi desh khan ke hoilebi apuni nalobo dhar ke”.