Jan 18 – GAMAGIJAKO PRATHISTA

Dimovupadesher grandh 28:14 Ma thona mathoj karuchu lapan puchadir nai karuni kan Prabhu kerocha.

Jeevanema haargejakon, vyaparama solgejako, ajji naaman parapathi gamalidejako,seji ajjek haptha kasseko khushir jeevano Ajji prathista kathra hach vethi yesejini herdelavu karacha.

Mar sonth ghar rethanu, jada moler Carema phartho, mar sey deklen madath kareval bayavo rakalden, massaj bankema pissathi banchrothojako abba voseji gamagicha kan rohey rohey keval cha. Hannu gamalidejakon haal vegejena kamayenaj Prabhu Yesu aayocha. Thar katmalema Ajji thu gamalidojako sejini hoto pheran devalo yee Prabhu Yesu. Vuj

Ma thona mathoj karuchu lapan puchadir nai karuni kan Prabhu kerocha. Katho thu vunchoj rechi lapan heta resenthi.

Yeklo moto vyapara karevalo von ghano nasta vegi jethi vona kathi naraju samajmemathi bhar kadan cheti dhakalnaken vona mental aspathrima besade. Yee khabaren vu sabhar sevak samalan vona balathanu, ‘thona Prabhu Ajji hath chodanaju prem karrocha, thona vunchoj vadadevalo cha lapan heta rakadevalo koni, Thu ajjek haptha jorethi vuncho vutan Yesu Dever hathen pakalden, vor vathen dhyan karan ajjek nankis vyapara shuru kar, Prabhu thar sath rethanu ashis karacha’ kan kojana. Vu vyapari Yee himmather sevaker vathen pakalden, gharen jaan Bibilen hacho dallethi prathista karlen padero shuru kido. Yek dad thu yee Loken noone sariko chi kan vanchotho, vuj vathen jhallen dhakaler bandipar noon venchero arambha kido. Hannu deelo deelo Deven dero Deven dethanu vu ajjek laarivo lethanu vujji, banglavo lethanu jada nooner vyapara vaddan vaddan vu sari rashtramaj vuddara vethanu ghano moto prathistan namen kamalido kan dekacha

Thodsek admi vunder vyaparama nasta vejavatho loan kadan vona sudho chalavnukan kelen jada appu karukaracha. Vothi hacho banchen jaan vaddipar vaddi chadan Ajji jasthi nastama padjavu karacha. Jethi Dev thu appu karnukoni kan hecharika demelocha.

Ajji jada dhyan Karen pado Dimovupadesher grandh 28:12