Jan 17 – NOTUN TAGOT!

Job 29:20 “ami laga mahima notun ase ami te, aru ami laga dhanu notun hoi ken ease ami laga hath te”.

Isor pora  kosom di ase notun tagot apuni ke. Jitya chaya sarvashresht laga dhakai apuni ke,a puni unnati hobo aru mahima janak hobo.a rutate ekta notun strength thakibo dhanu te apuni laga hath laga. Hoi, Isor icha kore apuni ke bonabole sob notun.

Tate hosabi ekta ses ase sob samasya khan laga aru sangharsh apuni laga jibon laga; aru tai khan apuni ke hodai din piche nakoribo. Isor pora amikhan ke shikaishe hoilebi Tai pora hi apuni ke uthabo ami khan ke. Tai pora dibo apuni ke unnnati aru khushi, utu jaga khan te dukh laga; aru saal khan te jitya apuni biya ke dihkishe.

Itu podh din laga kooi kinika Job paishe notun tagot ke tai laga jibon te; kinika tai laga mahima aru unnati ghurishe tai te;a ru kinika Isor laga hath pora hi sob loishe tai laga jibon te.

Isor pora sob dishe juntu Job haraishe. Hosabi, Iosr pora diye Job ke duiguna jiman tai thakishe poila. Itya Isor pora ashirbaad kore piche laga din khan  ke job laga shuru te thaka pora bi; kilekoile tai thakishe chaudha hazar bhera, choi hazar unth, ek hazar goru,a ru  ek hazar maiki gadha khan. Itu dhanu tai laga hath laga hi notun korishe tai laga tagot te.

Ami khan laga Isor bonai akha jote akha nai. tai ghurai apuni laga suku pani ke khushi te. Tai bonai apuni laga bera ke matha uthai kena para, ekta poristhiti te jote apuni ke sorom dishe. Tai pora hatai sob apuni laga komjuri khan ke aru bandhe apuni ke notun tagot pora.

Itu karone, ahibi anondo koribo Isor te! Ahibi ami khan kobo khushi pora ki: “Isor hi ami laga tagot ase aru gana, aru Tai hi bonishe ami laga muktidata” (psalm 118:14). “ami morom koribo apuni ke, o Isor, ami laga tagot”(psalm 18:1). “itu Isor laga hath hi ami ke tagot kore,a ru bonai ami ke thik”(Psalm 18:32).

Bohibi theng te ami khan Isor laga hodai phujir pabole notun tagnot ke Tai pora. Itu khali Tai pora hi ki apuni pabo notun achurit tagot ke. Tai hi ase Ekta jun tagot kore apuni laga komjur ghutna ke.

Jitya Elijah bhagor lagishe aru ghumaishe ekta jharu gash nichete, ekta duth ahishe Isor laga aru uthai dishe tai ke aru dishe khana tai ke khabole; juntu dangor pora tagot korishe tai ke. Tai aru bhagor laganai. Pobitro kotha te koi ki tai jaishe tagot te utu khana laga challis din aru challis rati tok Horeb napungcha tok, Isor laga pahar te(1 Kings 19:8).

Nabi micah koi: “hoilei hosabi Ami bhorta ase shakti pora Isor laga atma pora,a ru nyay aru tagot pora, kobole Jacob  ke tao laga galti khan aru Israel ke tai laga paap khan ke” (Micah 3:8). Isor laga bacha khan, Isor Nijor hi tagot koribo apuni ke, toh apuni ahibo paribo Tai laga paharte.

Aji bhaban koribole lag apobitro kotha tu houle psalm 84:5 “ashirbaad ase manu ke jun laga tagot ase Apuni te, jun laga mon rakhi ase pobitro dhip te”.