Jan 15 – ANOUBA THAO !

“eibu anouba thaona noibikhrabani. Eigi imitsinasu eigi yeknabasinggi mathakta apamba adu uba phangjare.” (Psalm 92:10-11).

Juk ani leirammi, ariba amadi anouba walepnaba oirammi. Anouba walepnaba gi matam haibasidi Jesu Christana taibangda mioiba ama oina laktuna mioibagi marakta hingliba aduni. aduga aroiba juk oiriba eikhoina hinglibasigi matam asi thao noibibagi matam adu oire. Hakchang panba khudingda Iswarna mahakki thao noibiba adu oirakle.

Ngasigi verse asida David na haibagi matung inna mahak anouba  thao noibire haibasini. Masi anouba thoujal, anouba panggal amadi anouba thao noibiba phangba matam adu oirakle. Chahi kayagi matungda nahakna phanglamba thao noibiba adugi mapanna nahakna kuina chatpa yaba nate. Nahakna anouba thao noibiba phangba mathou tabani.

Iswarna nahakpu anouba thao noibiba amadi anouba panggal piba haibasi pammi. Iswargi matik panggal adu nahakna phanggadabani,aduga nahakna anouba numit ta changdringeida nahakna mahakki anouba thao noibiba adu phanggadabani. Nahakna madugi matouda anouba numit phangba matamda,nahakki maiyokta yeknaba kaya laklabasu nahakna kiroigadabani.

Ningthou na anouba  thao noibiba phangle haiba adu mahakki experiencetagi phongdoklammi. Mahakna hai, “eigi yeknabasinggi mamangda nahakna eibu chakkoubiri. Eigi kokthakta nahakna thao noibire aduga eigi tenggot adusu pathare” (Psalm 23:5). Masigi anouba thao asi nahakki damakta karigi darkar oiribano?asok apan amadi laina laithung kaya naribasingbu phahannabani aduga asiba  gi imungda changduna makhoibu pukning themjinbinabani.

Aphaba Samaritanna langphei chatnaba loisinba matamda mahakna thaoi amadi yu su thourang tourammi. Asokpa nanglamba nipa adugi hakchang aduda thao amadi yu adu teibiba yanabagi phibam da mahak leirammi. Drakha mahi aduna Christagi ee khudam ni aduga thao aduna Thawai asengbagi khudamni. Masigi potsing khaktana anaba adugi hakchang adu phahanba ngamkhi.

Ngasisu masing thiba ngamdaba makhei mi mayam asi soktuna siba ngaire. Yeknabasingna lantaba mi mayam su leiri aduga makhoi bondida leiri. Aduga makhoina nahakpu yenglak i. aduna makhoigi soklaba kairaba thamoi aduda thao amadi drakha mahi adu teibigadabani aduga makhoigi anaba adu phahangadabani. Madugumlaba wakhallon leitaba mi mayam leiri, aduga anaba asokpa urabasu adu theiraga chatpa ngamle. Sigadaba mibusu kanbibagi potlum leitre.

Iswargi machasing,nahakki thamoi adu matam leiba khibikta thao noibiba aduna thanba oisanu. Aduga Calvary gi nungshiba aduna thanba oisanu. Nahakpu anou thao noibiba amadi ayuk khuding anouba panggal phangduna leirabadi nahakka tinnariba misinggi damakta bor soidana oiba ngamgani.

Dhyan tougadaba: “masidi kokta mamal yamlaba thao amagumbani, khadangkoida, mahakki ngaksamgi phinari akoibada chentharakpa masidi Siyongi  chingthakta taptap tarakpa Harmongi liklagumbani, maramdi Jehovahna maduda bor pibikhi, lomba naidaba hingba.” (Psalm 133:2-3)