Jan 13 – HAAL VEGIJAKO PANTA

Yovel 2:25 Mar mot phojer sainymethi kathraiko varsethi midathavo khanakejako pantan pharan yee varsema hoto laan duchu kan Prabhu hakkam derocha.

Prabhu yee varsema thona vuddar vaju karuchu kan kerocha. Abbethanu massaj thak jathanu panta pacheniju Ratho kurachko Hannu thu sada haal vejathanu dall phutagichka?

Athoi Prabhu yee navvo varsema Ma haal vegijako sejjni pharan hoto laan duchu kan hakkam derocha.

Yeklo mathi ayya, ‘ ma kathra kamavu thoi phaido cheni. Kassen katho heryek meena manna avajako bayi vaddivalo Ma kam karrojetha athanu seji lelen Dagar javacha. Mar pakthima kam karrejako hachethi vunder bayithi khushithi cha’.

Hava Yee kervenijako velar khabar. Midathavo thar pantama jorathanu seni khanaken haal karnakicha kaiko lapan Prabhu thonaj balarocha, vu calvary siluvama redojako loyeethi thu thar saapethi chodalen vu Prabhu Yesuthi sahavas karan navvo jeevanen arambha karlastho yee navvo varsema thoi thu gamalidojako sejini hoto dee hasso pherevalo cha kan kannai bhulnukoni.

Geeder grandh 128:2-3 thar hather kastar phalena thu khayechi, thona naseeban bhalayi vacha. Thar gharevali thar gharema phal dajako angurer veler nai racha, Thar telera gheran, Thar bepta volivar jhader nai racha kan Prabhu soganer bachan derocha.

Juno Kararema1 Samuel 30:4 Ajji 30:8 vachanema chaju David vor gharevalena Ajji chajako seji vyarivo athanu baalnaken laar lelen dagarge jana David Dever dai athanu Prabhu thu ma aanga javuntho manna jayam dechika konika kan araj kidotho, Dev thu vunden dabetlen jo thona Ma jayam duchu kan hakkam dethanu Davider gamalidojako sejini hoto pheran denako jen dekacha.

Ajji jada dhyan Karen pado  Yirmia 30:17