Jan 13 – Garberan Batte Kitungan M’oihte!

“Bar Anin garberata gaberata ednegoi dele do Anin a mukkan a ganittan bandale, do Anin a sindrin pungtarre do paludam dele” (Luk 9:29).

Eteden Kitungan d’ongben olangte bangsale. Do mandrengnalingben a lippan ahangte. Gamangtungan a d’ong satta bantongba, bar barij j’e-benji batte.

Anin a d’ong janardi lingan gankilba. Anab-yagi lingan, amben Kitungan a d’ong gankilba banantongan batte Lippan a tanaran batte (Luk 9:29). Kun batte amben galamle araptite iten ambrij asangem-tagoran (Anabpungge 22:1). iten ambrij alumudan do iten ambrij atagoran kan ate gamle. Banantongan batte Gamangtungan a d’ong gankilba; tanakaran batte Anin amangban erdikanaba (Mattiu 17:5). Buteja mandra bagu gamangan. Iten asan gamlenden bo bzgarda mandran a d’ong anin timyimte.

Ijjaden anin bo mandran a d’ong ganyimte, do bagarda mandran a d’ong puyingte. Amben Kitungan do lebun rapti aggangkile. Dile dinna amben pedde agijle torchon anbta’ar abmele. Kunilingan, kun atanaran batte kuddub lanumaudan sagaite.

Iten detenben kun mandran etigoi lumud-lingan yiretenden. Bogad kun torchon abpagetenden? Anin pedde kahidtaben ja’adja duletenden kun lumudlingan. Lippan dakuleden agalamben aberan. Do j’engan adgalue do tagorben saring agaludong. Ateng ayam, lanumudan yeryermengba daku do anlen karahidan sanle janang yirtabe. Pwrba ayamling Lippan dakulenden uyub mandran dakule. Aboi ataljingben a lippan ambrij, amben galamle araptite sonuman d’ongben kurte gamele (Ayob 33:26).

Angante aninji bibolan akuteji itente rabangteji antate kznolteji. Bo bernan daku ayengan amandran amndrengna lingan. Kitungan a itsuman saile. Amadan bondole, bibolan akudle itente rabangle antate anin kznolle. Anin rabangle Juda doidamneten gamle. Aten saring okij kun mandran akudle gijeten. Do anin rabangle kan ambrij: “Yira do kan ambrij luma gamle”.

Okij anin kanina ambrij lumle do bibolan akudle Barjanang rabangle kan ambrij: “amang itente lumte omeng luma gamle”. Kan ate aboi mandrandaman anogandi ayengan amandranji Kitungan aitsuman saiteji. Kikadage anogande batte (Sanenken 66:18).

Tanahimdam Kitungan a onagji, Kitungan, butente lippan tiyaiten. Kan batte galamtabe absuigodan do hadab godan gamle. Anin aitsuman ambrij tagorlangten. (Bangsa Hangan 15:8). Tagorben agaja adside. Kitungan a berna kinolba barij j’en batte.

Okiy Kinolbe absele: “Kan asan Hen opungtaben, itente itente apsele amben a garberte do a garte, antate kudduban, hen andreng hanglai, gamle dernaba, etteden antate amben apsele dete na” (Mark 11:24).