Jan 12 – NOTUN GANA!

Psalm 40:3 “Tai pora dhalishe ekta notun gana ami laga mukh te – Mahima ami khan laga Isor ke”.

Jitya bi apuni koi Isor ke apuni laga gehra pyas ke Tai ke mahima koribole laga, tai diye apuni ke ekta notun gana apuni laga mon te. Tai diye mitha dhun tai khan ke jun khan icha kore thakibole anondo ke seva Tai ke kora laga. Itu ekta anubah ase Psalm likha david pora. Aru hobole dibi itu ke bi apuni laga anubhav!

Isor pora anishe apuni ke bahar ekta bhayankar gadha pora aru bahar ekta mati laga kolchi pora,a ru rakhishe apuni laga theng ke pathor laga uporte aru thik korishe apuni laga kadam khan ke. Tai arubi dhalishe ekta notun gana apuni laga mukh te- Tai ke mahima koribole. Aru apuni laga mon mahima kore Tai ke Tai laga bhal karone, Tai laga shakti karone, Tai laga bhorta hua apuni laga dorkar karone, aru Tai laga wafadari karone.

Ami laga baba – Bro. sam Jebadurai, ashirbaad thakanai gana kora laga kalakari logote poila din khan ke. Kityaba tai gana koribo kuchis korile, tai ke manu khan pora mazak urai, jun khan koi ki “apuni gana kori ase na porhi ase?”, “apuni gana kora tu hoile kawa nishina ase”. Pichete, jitya tai prachar koribole shuru hoishe rasta khan te ekta dangor awaz pora, tai laga awaz hoishe bishi biya a ru gana kitya bi kori bole napare.

Utu din khan te, tai jai ekta nagar te upwas rakhibole, jote ekta bhai ekta local girja pora mahima prashansha kore. Itu mahima prashansha iman bhal thakishe ki aru suku pani ulaishe ami laga baba laga suku pora.a ru tai kandi kene prathana korishe Isor ke, dibole tai ke kalakari likha aru gana kora laga Isor nimite; aru notun gana mahima kora laga.

Jinika tai prathana korishe, Isor dishe taike itu kalakari mahima janak gana likha laga . itu uphar Isor laga, loi kene tai bonaishe sau pora upor gana mahima laga aru prashansha laga Tamil te juntu gana gana ke hune aru gai pura prithibi te. Kunuba khan tu itu ase: ‘Come now Holy Sprirt and sescend upon us’, ‘Hover over me Holy Sprit’. Itu ekla nahoi, Isor pora dishe tai ke kalakari gana gabole tai laga prashansha te.

“itu karone, judi kunuba Krista te ase, tai ekta notun nirmaan ase; purana saman khan paar hnishe; hoilebi, sob saman khan notun hoishe” (2Corinthians 5:17). Jitya sob bone notun, apuni bhorta hoi notun anondo logote, notun shanty logote aru notun chuni loa logote. Tai arubi diye notun gana, kunuba gana khan loi jai chuni lo ate; kunuba khan khushi manai jitya ke paar kora nimite,kunuba khan gana ase bahi jaa laga.

Isor laga bacha khan, apuni khan nakoribo khali gana aru prashansha itu prithibite; hoilebi, seva koribo aru gana koribo swarg te bi. Pobitro kotha te koi: “aru tai khan gana korishe ekta notun gana, koi kene: “Apuni bachai she ami khan ke Isor te Apuni laga khun pora sob jati aru basha pora ulai kene aru mamnu khan aru desh khan, aru bonai ami khan ke raja khan aru pandit khan Isor te; aru ami khan rajyo koribo prithibi te” (Revelations 5:9-10).

Aji bhabna koribole laga pobitro ktoha tu hoile Psalm 32:7 “Apuni ami laga luka jaga ase; Apuni rakhi ase ami ke digdar pora; Apuni gherav koribo amike gana khan pora bachai  diya laga. Selah”.