Jan 12 – GAMGOJAKO BETA

Luka 15 :32 Thar bhayi yee marjan pharan jeevyayo, gamago pharan laabgo, jethi khushi karan anand payer achoj kan ko.

Luka 15 adhyayama theen thara vupamanavun Prabhu Yesu koju dekacha. Voma yek gamagijako gorli, deemo gamgojako rooper rapya, theenmo abba gamgojako betar bagey. Yee Theenima apaner Prabhu Yesu Christhur dall ku gamgojako apaner vas thutan premethi dai karachko dekacha.

Agadiyar vupamana 100 gorlima yekkaj gorli gamagi. Demo vupamanama Dass rooper rapyama yek gamjayero, ajji theenmo dee beptama Yeklo gamago kan vanchacha. Paner sonoko, pissako gamjavatho vu kathra jada dhaka lagacha. Atho khasa yek Beta gamjavatho vu Ajji kathra jada dukha lagiya? Kassen katho yee manikya Sono roopeethin ghano pramukhya cha kunika? Yesejithi mot yee manikyama chajako athma anmoler cha.

Yetha nankya beta vor baper premethin jada yee lokemar vor dosthivur preethi mot keldo. Vor bapethin vor dosthivuthi majaa kareroj hacho keldo. Katho vu yee loker dosthir mundag baper prem mot koni kan keldocha.

Hannu Loken prem karan banchatho vu Prabhur dall ghan baljavacha. Vu Prabhu Yesu apan puro dallethi karajako premena asa karrocha. Jethij thu manna prem karrochika?  Kan puchrocha. Vorsaruj Luka 10:41-42 Vona Prabhu – Martha Martha Thu ghane khabarer vadi haayi karan ghabrayechi, chavajako yekkaj. Mariya vona chodan jayenijako acho haasona taallidikan koju apan vor pager Dai bhesan Dever vathen samlanu kan korlerocha.

Yetha nankya beta kemavatho khushi karan kunas dosthivuthi bhalan majaa karan banchanu kan keldoko voseji yerdai vethijako pissa vegijer pacha vor hathen chonaken dagarge. Janna akharima surrin charathanu vo surri khavajako pottuna khavajathra mando paristhithi dagaryayi. Vu vagathema vor baper ghar herdathanu vor bapekan jathanu maap puchliyu kan buddhi lalen hoto aayo. Hannu aayojako nankya betan dekan vor Bap vona balalethanu vor kaandepar padan chuman hathen soner veenti peran navvo Lathan peran moto habba kidoju vanchacha.Ajji jada dhyan Karen pado Yeshaya 61 :10