Jan 11 – DAYA SOB KE JUN BISWAS KORE!

Psalm 32:10 “hoilebi tai jun biswas kore Isor te, daya taike gherau koribo”.

Judi apuni barhibo mon ase anugrah te, apuni biswas koribo lage Isor te aru Tai ekla te nirbhar koribo lage. Judi bi jitya gentiles rakhishe tai khan laga biswas Tai te aru morom korishe Tai ke, Isor pora diye ekta khas anugrah tai khan ke bi. Psalms likha khan por koi: “Hobole dibi Apuni laga day,a mi khan uporte, jinika ami khan akha kore Apuni te” (Pslam 33:22).

Ekta porivaar thakishe jun thakishe ekdom dukhiya poristhiti te; aru khali thakishe tai khan laga ghor. Tate anugrah thakanai nahoilebi ujala thakkanai ama baba upor nahoilebi bacha khan uporte. Pura porivaar thakishe jadu laga shrap te. Panchta bacha khan majote porivaar te, charjon tu porhibo napare aru bimar hoi thake; agh barhi bo napari kene.

Hoilebi tai khan laga suwali hodai hi khushi aru taza thakishe; aru ekta alag ujala thakishe tai laga chehra te. Jitya tai khan itu antar ke bisarishe tai laga suwali te thaka ke, tai laga ama jawab dishe: “ami khan laga porivaar te, tai hi ekla ase jun loishe Isai ke aru rakhishe tai laga biswas Isor Jius te,a ru dhurishe Tai te taan pora”.

Ji hoilebi apuni laga porivaar laga poristhiti,  judi apuni rakhe apuni laga pura biswas Isor Jius te aru dhuribo Tai ke, hosabi anugrah Isor laga apuni ke ghrav koribo. Apuni ke uthai dibo manu khan majete, aru desh khan majete bi; aru apuni unchain ke pabo.

Aji, tate hazar gana khan ase Isor laga anugrah te. Sob homoi te apuni gana gaile Iosr laga anugrah te, apuni barhi kene mehsus kore ki “itu aru nahoi Ami jun jiya I ase, hoilebi Krista ami te”. Apuni shuru hobo mehsus koribole aru kobo ki itu apuni laga pora-lkha nahoi, dakshta nahoilebi apuni laga para pora ki zimedar ase utu uthi thaka jibon te, hoilebi khali Iosr laga morom pora hi, Tai laga anugrah pora hi ase. Inika dimag pora modot koribo loi jabole apuni laga sob ahankar ke.

Girja laga service pichete, Isor laga pandit itu koi kene apuni ke ashirbad kore: “hobole dibi anugrah Isor Jisu Krista laga apuni te”. Apuni rakhibo lage pura biswas Jisu Krist uporte, kilekoile anugrah hi dahle apuni te; aru thakibi  Tai logote. Tinihoilehi, utu anugrah khara hobo apuni te.

Isor pora mukut lagai sob khan ke jun biswas kore Tai ke, tai laga moromdaya te (psalm 103:4). Anugrah logote Isor laga, apuni Tai lagamorom bi pabo, Tai laga bhl ke aru daya ke. Isor laga bacha khan, mahima aru seva koribi aru anondo hobi Iosr logote itu notun saal te, pura dhanyabaad kori kene Isor laga nugrha k. aru apuni ke dhakabo Tai laga anugrah logote.

Aji bhabna koribole laga pobitro kotha tu hoile Psalm 52:8 “ hoilebi ami ekta hara jolphai nishina ase Isor laga ghor te; ami biswas kore day ate Isor laga hodai din karone”.