Jan 09 – Tabme Dangkin!

“Seletten anin gameten, Mangba-hen aboi tabme dangkin pangaiba do kun a dangki lingan bassidan pidba” (2 Raja 2:20).

“Kan akarda lingan, anappai Pol idolle Marid Janggardan sanle Tabme man’oihan. Kristun amangba endrang yiraiben amang, man’oihan ranabangan dete gaganalingan do gasal-lingan. kan ate ranabangan dete gasalmaranji amangling do cinemaban, kayating lingan, maina do gardinji batte. Kan ambrij a man’oihan bo bardika abmele sattang. Bindo angante amben Kristu lingan tabme garadilan adete, bo surda man’oihan ayangte (2 Raja 2:19-21).

Marid Janggardan a man’oihan. Anappai Pol idolle Episi aranukkun amangba: “do amben a monnan a janggarda lingan rongdage deba, bar rong taramtam ranotudge roludnaba.

Anin enrang ruangba yire adanang, Gamang Jisun sanibdai beran oblingle asanayam maranji a d’ong. Anin gamle: “Bar Hen U’an a d’ong garbertai, do Anin bo bzgarda Danandraban tiytaben, yante gamle Anin tarda ayam amben ampara rapti dakuten. Manan, Janardin a Janggardan na.

Tabme janababan, tabme janggardan do tabme man’oihan kan kuddubanji danelingben dakute. Kirungan ambrij ranoitadan ganabdelan dele.” (Episi 2:8). Kan kudduban Kitungan tiyaiten anlen abmele. Hen U’an a sanibdai taniyan mangba-ben appaitai.

Jisu Kristun Anindaman sanayammar. Do Marid Janggardan bo tabme sanayammar. Anin amben ampara dakuten do sayambenten. Yangan ambrij Anin babyebenten, sabyubenten do hanghangbenten. Yang abangansa kan ate manglinglen abasuten abernan! Mandradaman a Janggardan ert’uldamnadam. Anten asan, angante amben aderderten mandradaman a janggardan lingan, amben kalaibelaige debenten, do alumte abaraji kudikota dete. janggardaben tanunjingan do danukkan pangtai (2 Raja 2:22).

Aten garberlen man’oihan batte alulunaben Kitunglingan do anablu ayangben asan (Mattiu 5:13). “bindo asui dinnan a tiki Marid Janggardan batte amben tanabuban a dete.

Anin a d’ong ordaran rapti ajjae, iten asan gamlenden ordaran Anin a d’ong rapti aggije, orde Anin a d’ong rapti aggalame (Kolossi 4:6). Angante amaben maidamnalingan adakuten do Janggarda lingan, amben man’oihan anablu-ling, Bindo amben Anin a d’ong a galamle, iten asan gamlenden Anin amben ampara daku, do mang-ling-ben dakuten” (Mattiu 5:13).

Tanahimdam Kitungan a onagji, man’oihan uggar do bangsa ganijtalingan. Kitungan batte, man’oihan uggarben batte. Kitungan a pasijanji, amben tabme janggardan do tabme man’oihan batte barij deandele dile dinnan mandrengnalingben adakunaben dete.

Okiy Kinolbe absele: “Dile gale-jab kanub lingan bassidan pwlle abelengben dete. Iten asan gamlenden bassidan amben do Kitungan analsibdaijan abmele arap-suijan daku. Amben kuddub kanub lingan bassidan a pwlben dete.” (Lebi 2:13).