Jan 07 – Tanimyiman S’idle!

“Baryante gamle aman ateng ayam sanayen hangan hangle ahim-Hen asan kanalkalan sayele, bar lingldj ongkij addead, kanate Hen galam. Dele janang yante gamle aman abmang tanimyiman omdale, kan abmele Hen abdusatam” (Anabpungge 2:3-4).

Gamangtungan janang tolbadlangten tang-bigarda luadan batte; kun a luadan anatade orde adjuntude?

Itente tanimhimna. Gamangtungan Osea batte gamle, “Hen asuyeman a luadan batte do tanimyiman a tanolbadan batte. Kun a tanimhiman saring buteja anbangsabenji. Ogandiba Kitungan a tanimhiman.

Indrang agalame, tanimhiman batte sedabenten, do asaiben asan yiraiten. D’ongben jobbasolan batte gabdille do tanimhiman batte abdainale. D’onmglen bargutulle do barij amihamna batte gijdale pintulen.

Anin timhimbente indrang amben a timhimen. Barij tanolbadan do anangang a pintunji sangaile, asuyeman batte. Barij a tanimhiman batte d’ongle murda buya-mar abmeaiten. Angante Israelanji do Pilistianji Samson a d’ong a tolbadben asan, aninji a papwran gzdgzdludan adsaijadji?

Aninji tabme gzdgzdludan batte tolbadleji; anten asan luadan radu dakute adnatade. Bindo angante Kitungan a Jangardan ranaptidage yiraite amang-lingan!

Luadan atadle do yamangle Anappai Pol Bo tonanan sakkin tiyle gameten. Barij manoihan batte, anin gamle: “Tanongba-hen Kristun amangban yiraite, s’inglen bo tabmedage ganutulan dele. Abmang anin agardinji ampara gailna-lingan dakule do barij s’ingan er-tarungnagge abmeleji. Bindo nami, barij banandan dele. Anin jale Jisun Kristun a d’ong engale ablumaran ambrij.

Anin a gardinji ampara janang amainaben asan adlumad. Do pasijanji batongleji do solenji sandin ajaitan. Anin dile ayam banadrab-lingan dakule, kanikuni gamle argoragge dele. Kitungan a boantan do dirnamaranji s’inglen ytirraiji.”

Tanahimdam Kitungan a onagji, dile ayam ambendam anablu sindri-lingan abasuben dete. Angante Gamangtungan Jisu s’ingbaben yirtai, kitungdage a tanurdun, manoihan do sanabyun s’ingling-ben basute. Pasijanji janagan uyubleji. Gamangtungan kuddub tabme abmele”.

Okiy Kinolbe absele: “Bar nami dernan, danerderan, tanimyiman kan yagi tarda ayam dakutenji, bindo kan yag1 saring tanimyiman jznjzn murda” (1 Korintian 13:13).