Jan 07 – MANGKHRABA NUNGSHIBA !

“nahakna khangheire amasung khangle, aduga eigi minggi maramgi damak nomle amasung chokthaba leite. Adubu eina nahakki nathakta hagadaba ama lei, madudi nahakna nahakki ahanba nungshiba adu thadokle.” (Revelation 2:3-4).

Eikhoigi Iswarna eikhoida asa thamliba asidi eikhoina mahakpu nungshijaba asini. Iswarna eikhoibu nungshijei haibasi eikhoina khangjei adubu mahakna su eikhoigi nungsiba asi khourangjei haibasi khangbra?

Prabhuna Ephesus ki singlupta nungaitana asumna hairammi, “eina nahakki nathakta wa haigadaba lei, nahakna nahakki ahanba nungshiba adu thadokle. Ephesuski singlup adu lingna leibani,madu yamna chaokhatpani, aduga Iswargi manai mayam su semgatpani. Adubu akonbadadi makhoina Iswargi ahanba nungshiba adudi thadoklamle.

Iswargi machasing, nahakna hiram kayada yamna maipakpa oirambasu yai. nahakna yama mahei masing  tamkhraba amadi aphaba imungda pokpa oibasu yai, mama mapa aphaba phangba oibasu yai, aphaba marup mapang phangba oibasu yai aduga nahak lousing leiba mi oibasu yai.

Masi mayam asi nanggi punshida leiraga iswardi nungshiba yaodrabadi masi mayam nahakki chaothokchapham oibasing aduna uphul gumba oirakkani. Nahakki thamoi adu Iswargi nungshiba yaodrabadi nahakki heisingba khudingmaktu aremba oigani. Iswargi nungshiba adu nahakki thamoida chaktuna chaktuna leiribra? Iswarbu nungshijabagi damakta nahakki matam kaithoklibra?

Prabhu Jesuna pakhonchatpa Peterda yengduna yamna nungaitana asumna hairammi, “ Peter, nahakna eibu nungshibra? Mahakna jagat sangsarbu sembiba oirabasu mahakna eikhoigi nungshiba asi kayada khourangjabano haibasi ubada yamna angakpani.

Peterda eibu nungshibra haina hangdringdeida Prabhuna   Peter da nungshiba adu utpikhre. Mahakna Peterda nungshi haiba utpa oina mahakna Petergi mahutta awaba kaya Cross phao khanglamkhre. Mahakna mahakki ee marik aroiba phao katthokhre. Mahakki marup mapangsinggi damakta mathawai katthokpa asidagi henba nungshiba leite hairamba mahak aduna thabak oina utlamle.

Mahakna mahakki nungshiba adu phongdoknabagi damakta mahakna asibadagi hinggatlaktuna Peterda “ Peter, nangna eibu nugnshibra? Haina hanglammi. Madugi wahang adu mahakna Peterda ahumlak hanglammi. Aduga Peter adu mahakki thamoi kaiduna leirammi,aduga mahakna pirangga loinana asumna hairammi, “ hoi, Prabhu, eihakna nahakpu nungshijei haibasi Prabhuna khangbibani.

Iswrgi machasing, Iswarna nangondagi pamlaiba pot leirabadi madu nahakna mahakpu nungshiba natana atei pot leite. Nahakna mahakpu nunshirabadi nahakna kari tougani? Mahakka matam chuppada leiminnaninggani, aduga mahakki leipham adu leppa leitana thigani. Mahakki khuyada nahakna khuru khudak kungani, aduga nahakki thamoi adu heithaduna mangonda haijagani.

Dhyan tougadaba: “ houjik, thajaba, tarang tarang khangna ningba amadi nungshiba ahum si lengdana lei,adubu nungshiba asina athoibani.” (1 Corinthians 13:13)