Jan 06 – ANOUBA THOURI !

“aduga makhoina mahakpu anouba thourida punduna nungjao adudagi puthokkhirammi.” (Judges 15:13).

Israel machasing amadi Philistinesgi misingna Samsonbu punba pamba matamda makhoina ariba thouri thiramde. Makhoina mahakpu anouba thourida  pullammi. Thouri adu tattanabani. Adubu Iswargi Thawaina mahakki thakta lengsinba matmada chaklaba thourigumna matat matat thadatlammi.  (Judges 15:14).

Iswarnasu eikhoibu tongan tonganba thourina pubiri,madu chakthokpa natraga tekpa yadaba thourini, madu nungshibagi thourini. Iswarna maichou Hoseagi mapanna eikhoida wa ngangduna asumna hairammi, “eina makhoibu thoujan amadi nu ngshibagi thourina ch ingduna pubirammi, eina makhoigi potlumdu louthokpikhi, eina nonthaduna makhoibu pija pithak toukhi.” (Hosea 11:4).  Madugi nungshibagi thouri adu asukki matik kanduna kanasau madugi thouridagi khaidokpa ngamdre.

Iswargi angakpa nungshiba adugi maramda wakhal toubiyu. Nahakna Mahakpu nungshidringeidagi houna Mahakna nangbu nungshibirakkhi. Nahakna Mahakpu khangdringeida Mahakna nahakpu khanbiduna nangbu thiba laklambani. Nahakpu leikhomgi marakta puttharabani adubu Iswarna nahakpu nungshibagi thourina chingkhatpire.  Nahakpu Calvary chingthakta chet hanbire aduga Mahakki eena nahakpu chamthokpire. Yotlhing khudingbu louthokpire,serap amadi pap singbu Mahakki chaoraba nungshiba  aduda kanbikhre. Mahakki thoujal gi mapanna nahakpu kanbibagi anouba esei adu pibire. Mahakki marang kaiba nungshibagi mapanna ningthousing amadi purohitsing oihanbire.

Christagi nungshibagi thouri adugi maramda Pakhonchatpa Paulna asumna hairammi, “maramdi eina sengna khangi, madugi sibanasu, hingbanasu, swargadasu, angam athounasu , matikj leibasingnasu, houjik oiribasingnasu, tungda oirakkadabasingnasu, awangbanasu , arubanasu, semkhraba pot pumnamakki manungdagi karigumba amatana eikhoigi Ibungo Christa Jesuda leiba Iswargi nungshiba adudagi eikhibu khaidokhanba ngamloi. (Romans 8:38-39).

Prabhu Jesuna nahakpu  nahakki bondi amadi potpu khudingmaktagi  ningtamhanbire. Aduaga loinana mahakna nahakpu nunghsibagi thourina punduna nahakpu semgat sagatpire. Sastrana hai, ‘adudagi lambi upalna mahakki mahei yangani amasung gmalemna mahakki mahei marong thok hangani. Aduga makhoina makhoigi leibakki asoi angam leitana leigani, eina makhoigi potpu thudekkhiba amasung makhoibu minai oihankhiba makhoigi khuttagi makhoibu kanbikhibada, eidi Jehovahni haiba makhoina khanggani. Aduga makhoi amuk hanna jatisinggi sarak tampham oiraroi amasung leibak adugi  sasingna makhoibu chararoi, adubu makhoina asoi angam leitana leigani amasung kana amatana makhoibu kihallaroi.” (Ezekiel 34:27-28).

Iswargi machasing,Iswar masamakna nakhoigi bondi adu thugaigani aduga nakhoibu ningkha tamhangani. Amambagi panggal yotlhing khuding amadi laiwa khudingmaktagi ningkha tamhangani.

Dhyan tougadaba: “ingthabagi apunba thawaigi ama oiba adu ngaknaba hotnou.” (Ephesians 4:3)