Jan 05 – LEKHAK BISWAS LAGA!

John 14:1 “apuni Biswas kore Pormeshwar te, Biswas koribi Ami te bi”.

Biswas tu ase khali ekta divya Shakti dibole aru khara koribole ekta manu  ke shanti te prithibi te jote bhari  hoi name duth aru chinta khan pora. Jun khan ase Biswas, lagi thakibo Isor te, judi bi poristithi alag alag  pora jaile bi. Tai khan ulai dibo  sob tai khan laga chinta ke aru har ke Isor te aru ahram koribo. (1 Peter 55:22).

Biswas ke dikhai diya pabo pare bishi adhyay te pobitro kotha te. Biswas ase sobse poila niom Krista laga(Hebrews 6:1); Biswas ke sabo pare ekta  kawach hisab te atmakarik hathyar judho te(Ephesians 6:16); Biswas ke sabo pare ekta atma laga uphar hisab te(1 Corinthians 12:9); Biswas ke sabo pare ekta phal atma laga koi kene(Galatians 5:22-23).

Biswas ke koi ki hosa aru taan pora d huri thaka lekhak atma laga Hebrews laga kitab te 6:19 te. Jitya bi tate ase toofan hagor te, jahaz laga santulan  ke thik kore tai ke cholai diya manu pora hi. Itu nishina, jitya bi  apuni jai biya aru taan poristhiati pora a ru homoi pora, kam dibi apuni laga lekhak ke Biswas laga aru taan pora dhuri thakibi Isor te.

Taan pora dhuri thakibi pratigya ke aru bonabi ekta ghoshna ke Biswas laga, “kintu ami jane junke ami Biswas korishe aru mani kene ase ki Tai pare rakhibole ki ami dishe Tai ke utu din tok te” (2 Timothy 1:12).raja David koishe, “ami jun harabo thakishe pare mon ke, judi ami Biswas koranai ki ami dikhibo bhal  ke Isor laga utu mati te jote ami jiyai” (Psalm 27:13). Itu karone Biswas te tai korishe prathana, “ami laga suku ase Apuni te, O Pormeshwar isor”.

Lagi thakibi Isor te aru Biswas koribi ki apuni komi nahobo iku te bi kilekoile Tai ase apuni laga charwaha. Judi apuni Biswas kore isor te aru kityabi nabhagore judi apuni iman dukh laga poristiti te ahile bi, tini hoile Isor nijor hi santulan bonabo sob apuni laga samasya khan te aru porikha khan te.aru Tai pora dibo apuni ke shanti aru ahram koribo apuni laga atma karone.

Moses azaad korishe bacha khan ke Israel laga bandhi pora Egypt laga aru aru loio jaishe tai khan ke Lal Samundar phine. Achanak pora, tai khan dikhishe Pharoah ke aru tai laga sipahi khan ke, rath gari khan ke aru hghora khan ke gherav kori loa. Tai khan iku bhabna nai ki kinika tai khan paar koribo itu poristhiti te. Tai khan agete thakishe Lal Samundar; pahar kinar khan te; aru sena khan Pharoah laga pichete.a ru tai khan bhoi korishe.

Utu poristithi te, Moses tai khan ke utsah dishe aru koishe, “Isor pora lorai koribo apuni khan karone,a ru apuni khan dhuri bo apuni laga shanti” (Exodus 14:14). Jinika Moses koishe, isor chamatkar pora khulishe rasta tai khan karone Lal Samudar te,a ru jabole dishe bacha khan ke Israel llaga paar kori kene sukha phine. Hoilebi Isor pora phelai dishe Pharoah ke, tai laga sena ke, rath gari khan ke aru ghora khan ke majete samundar laga. Bacha khan Isor laga, utu iki Isor pora dibo apuni ke jit uporte jit.

Aji dhyan koribole laga pobitro kotha tu hoile Philippians 4:6 “utsuk nahobi iku karone, hoilebi sob te prathana pora aru anurodh pora, dhonyabaad di kene, hobole dibi apuni laga anurodh ke janibole isor ke”.