Jan 05 – Kitungan Ad’ong Abm’oihte a Mandrengna!

“GAMANG Kitungan gamte: Duaih maran a karahid lingan Hen m’oihtai po? Osantan anin a ersz godan saring daiyarre m’engete, kani lingan man’oih-Hen ted po?” (Ejekiel 18:23).

Kan ambrij anidolan dele ‘anlen Kitungan a d’ong agankzlba’, bindo radu gamle gamte: ‘anlen Kitungan sattang agankzlba’. Anin do aninji radu gamle bangsale gamteji anlen bigarda a kitungji adgankzlbe. Kitungan a d’ong agankzlte, barij j’en batte gankzlba, barij pwrardan do barij ranapti batte. ‘Barij J’en do barij pwrardan’ gamlenden – barij kandar d’ongan batte aganankilan (Romi 6:23). Engale school-s’ijanji barijloge tiydamtenji (Ejekiel 18:20).

A porikya-linganji; amben janang kuddub tiydamlen Kitungan a d’ong agankilbe dete. “Gamangtungan a d’ong satta bantongba, bar barij j’e-benji batte Anin a d’ong janardi lingan gankilba. Anab-yagi lingan, amben Kitungan a d’ong gankilba banantongan batte.

Banantongan batte Gamangtungan a d’ong gankilba; tanakaran batte Anin amangban erdikanaba. Kitungle Jisun gameten: “Buteja mandra bagu gamangan a d’ong rapti aggangkile. Iten asan gamlenden bo bzgarda mandran a d’ong anin timyimte.

Ijjaden anin bo mandran a d’ong ganyimte, do bagarda mandran a d’ong puyingte. Amben Kitungan do lebun rapti aggangkile. Kan ordar-lingan bagu gamanganji daku. Aboi ate Kitungle Jisu Kristun, do anab-bagu ate Sonuman. Amben Kitungan a d’ong timyimba do sonumman a d’ong ardiba.

Kitungan a d’ong a timyimleden, Kitunglen, Kan a banantongan bo bigardaban abandanabenanted eteden panadradan mai-sattang hangtabe, orde Anin bimbimanji apaitai orde rugamanji apaitai.Kan ate yangam Kitungan a d’ong galama, Kan aboi bo surdadam abanantongan, kan ate Kitungan atanimyiman batte adeben dete. “Gamangtungan amangban banantongan ersz ardermadan” (Jon 10:10).

Kitungan a d’ong dernadage uggaran do itsumdaman batte gankilba. bar aman rojol-j’en do barij itsuman batte Anin a d’ong gangkila. Iten asan gamlenden GAMANGtungan kuddub uggaran saijte, bar kuddub anogal anogandinji galamte. Bogad aman Anin a d’ong saijlenden, aman anin a d’ong rabangte, bindo bogad aman Anin a d’ong umdrenglenden, Anin d’ong-nam tarda ayam sikkoi ja umdrengtam. Amben mandran a d’ong er gankile Kitungan a d’ong gankilba sanabyun uggaran batte. A bara-lingan amben atiydamnaben dete, sanabyu uggaran do barij itsuman batte. Anin a temangan man’oihben. Do a tambusingan surda panuangbe (Danisam 21:8-9). Kitungan agangkilte batte uggarben sayute.

Tanahimdam Kitungan a onagji, mandrengmadtan sikoija Kitungan a d’ong gangkilba. Mandrengna-lingben abara do agangkiltabe atena murdadage.

Okiy Kinolbe absele: “Kitungan a min tum Onan a d’ong ordarban appaiyaiten, yante gamle Anin batte anlen rapti m‘engtabe. Kan batte Kitungan a tam’myiman anlen apsele panunggen dele” (1 Jon 4:9).