Jan 04 – Tabme Sindrin!

“Bar dile mandran a d’ong tang bagu sindrin tiyeten. Bindo Benjamin a d’ong yagi sua terder ruppa do galji sindrin  tiyeten” (Aparamangtan 45:22).

Gamangtungan tabme sindrin tiylangten. Anin papwr sindrin table tabme sindrin abjijilangten itente roitaddage do jangardadage a sindrin.

Joseph mailen a buhangan a d’ong angante misor lingan dane-bara a hanglen adnang. Anin kuddubanji tabme sindrin tiyle. Bindo bejamin amanglen bo surda tanimyiman dakulen asan moloi tabme sindrin. Gamangtunganlen Joseph saring boi boi surdadam Anin ateng tiylangten. Anlen adekinollabepo bo a u’an maran a o’nan a d’ong a dayerna abmele? (Luk 15:22).

U’alen bangsa sindrin dile ayam tiyte a o’nanji. Kun ambrij, anlen a tiyj’enaben dete rungan saring a tiylangtinan ate. Engale Joseph Benjamin a d’ong moloi tang bigarda sindrin tiyle, Kitungle tang bigardan jangandardage a sindrinji dakkule. Kan moloi a sindrinji abmele a gijba:

1.Anablun a sindrin (Jisaiya 61:10)

2.Ranoitadan a garusaikaban (Jisaiya 61:10)

3.Sanensenan a sindrin (Jisaiya 61:3)

4.Mariddam sarurtar kab (Anabpungge 19:8)

5.Paludam sindrin (Anabpungge 3:4)

Do Galantianji 3:27 anlen kinoltabe barijloge, a tiydamnaben dete Kristu-lingan butente tiydamten Kristu-lingan. Do Kristu Jisun anabhanan ambrij abhanadamten?

Angante Kitungan gabdile Adam do Oban, Anin tiyle ganugu a sindrinji ambrij. Bindo angante aninji galuleji Pintu-lingan, sonuman kuddub a sindrinji pangle; do aninji galamdamlenji a undrui-d’ong gamle.

Anten asan, aninji luaneeban a olan jijilenji absosonaben asan. Gamangtungan gijle kun ate. A suyeman dakule amang-linganji; kun ate a jardinna sanaisaidage ambrij dakule d’ongdage abmele jontungji a d’ong kanuban dele.

Tabme anosai-lingan, Kitungan Jisu Kristun Anin-daman kubdamneten engale aon murkundardangan ambrij. Anindaman amihaman lale pintulen amadridben asan. Asuyeman tiylai, adsidlaben a ganugu abmele. Nami Kristuna anablun a sindrin anlendaman abmele. Ambendaman tiydamnaba Kristu-lingan a nablun ahangben asan. Tanahimdam Kitungan a onagji, dile ayam ambendam anablu sindri-lingan abasuben dete.

Okiy Kinolbe absele: “Gijba, Hen jumbwrmarge yertai. Butente abgardamlen dakuten do a sindridaman dakkute, anin man’oihdam. Iten .asan gamlenden etbeden anin aurdidongge dean dele adnendunge, do mandranji anin a ganaroijan aggijeji” (Anabpungge 16:15).