Jan 04 – SHAKTI BISWAS LAGA!

Mark 16:17 “aru itu chin khan piche koribo tai khan ke jun khan biwas kore: Ami laga naam te taikhan ulai phelabo satan khan ke; tai khan kobo notun basha logote”.

Biswas ase Shakti prathana laga. Biswas ase kaam hobole diya ami khan Biswas te Isor ke. Biswas ase ekta adot nirbhar kora Isor uporte; aru rokhi thaka isor te pura koribole sob  ji chinta kore ami khan ke. Itu ase Biswas dwara ki amikhan ulai khedai satan khan ke. Dusra hobdo te, ami khan laga Biswas isor Jisu te ase Shakti jitibole Shakti khan ke andhera laga.

Sabi isor Jisu te. Tai ase mahaan Shakti te; sob se sarbashresth isor.a ru Tai ke ase adhikaar sob moila atma khan uportea ru satan khan uporte. Pobitro kotha te koi ki Putro isor laga aghe pora koishe, ki Tai khotom koribo pare kaam khan ke satan laga(1 John 3:8).

Sob dinkhan te Tai laga prithibi laga mantralay te, tai ulai khedai moila atma khan ke aru azaad kore manu khan ke junkhan bandhi hoi kene ase satan laga atma poea. Itu jawan manu jun ke havi hoishe jhundh pora satan laga, tai ke korishe azaad aru tai ke lagai dise kapra pora aru tai laga siddha mon bohishe kinar te Isor Jisu laga.

Jitya bi ami khan mana kore satan ke, ami khan koribo itu ke tagot pota aru Shakti pora Jisu laga,a ru nahoi ami khan nijor laga Shakti pora.

Chela paul likhe, “hobi norom aru hoshiyaar, kilekoile apuni khan laga dushman khan pora ki satan berai ekta ghuri thaka hingo nishina junke tai khabo pare. Mana koribi tai ke, dhuri thakibi Biswas ke” (1 peter 5:8-9). Itu podh khan dhyan kore ki itu  bhal kaafi nahoi thakibole khali Biswas ke; hoilebi  apuni khara koribo lage dhuri kene taan pora Biswas ke.

Tate ase kunuba jun khan mana kore satan ke;a ru judi tai khan napai joldh hi safalta; taikhan bhagor hoi jai tai khan laga mon te aru diye jaga ahbiswas ke. Tai khan shuru kore bhabna koribole ki inika satan khan napolabo tai khan nijor tagot pora; aru kuchis kore modot koribole dangor naukar khan ke Isor laga. Itu thik niom nahoi. Satan polabo hobdo te kun laga  hoilebi jun ke ase taan Biswas Isor Jisu te.

Kinika ami khan dhuri thakibo taan pora Biswas ke? Romans 10:17 koi ki Biswas ahe huna pora,a ru huni kene hobdo Isor laga. Apuni laga Biswas hobo tagot utu tok jote apuni dhale isor laga pratigya khan ke apuni laga jibon te.

Isor pora pratigy dishe aru ghoshna korishe: “thakibi, ami diye apuni ke adhikaar chipabole saap khan ke aru bichoo khan ke,a ru sob Shakti uporte dushman laga, aru iku bi ini karon pora jokhom nakoribo apuni ke” (Luke 10:19). “apuni raj koribo hindo aru saap laga uporte, jawan hingo aru saap ke apuni chipabo theng nichete” (Psalm 91:13). Manibi aru dhuribi itu pratigya khan te isor laga apuni jibon te.

Aji dhyan koribole laga pobitro kotha tu hoile Psalm 91:4 “tai pora dhakabo apuni ke Tia laga pankhan logote, nichete tai laga pankha laga apuni jaga lobo; Tai laga hosa hobo apuni laga kawach aru bokle te”.