Jan 04 – Kanuban Kubba Itente Kitungan M’oihte!

“Seletten roitad kanub, sanoi kanub do barij sanoi kanub linganji Aman m’oihdate, bar mandranji arangga-ling-Nam kuppa-tanganji kubteji” (Sanenken 51:19)

Kitungle Jisun gameten: “Buteja mandra bagu gamangan a d’ong rapti aggangkile. Iten asan gamlenden bo bzgarda mandran a d’ong anin timyimte. Ijjaden anin bo mandran a d’ong ganyimte, do bagarda mandran a d’ong puyingte. Amben Kitungan do lebun rapti aggangkile. Kan ordar-lingan bagu gamanganji daku (Luk 18:10-13).

Aboi ate Kitungle Jisu Kristun, do anab-bagu ate Sonuman. Amben Kitungan a d’ong timyimba do sonumman a d’ong ardiba. Bogad amben Kitungan a d’ong a timyimleden, Kitunglen, eteden amben Anin sattang agankzlben dete. Kan ambrij anidolan dele ‘anlen Kitungan a d’ong agankzlba’, bindo radu gamle gamte: ‘anlen Kitungan sattang agankzlba’. Anin do aninji radu gamle bangsale gamteji anlen bigarda a kitungji adgankzlbe.

Kitungan a d’ong agankzlte, barij j’en batte gankzlba, barij pwrardan do barij ranapti batte. ‘Barij J’en do barij pwrardan’ gamlenden – barij kandar d’ongan batte aganankilan. Engale school-s’ijanji barijloge tiydamtenji (Anappai 2:37). A porikya-linganji; amben janang kuddub tiydamlen Kitungan a d’ong agankilbe dete. “Gamangtungan a d’ong satta bantongba, bar barij j’e-benji batte Anin a d’ong janardi lingan gankilba. Anab-yagi lingan, amben Kitungan a d’ong gankilba banantongan batte. Sanenknan gamte: “Banantongan batte Gamangtungan a d’ong gankilba; tanakaran batte Anin amangban erdikanaba” (Ebri 4:12).

Kan a banantongan bo bigardaban abandanabenanted eteden panadradan mai-sattang hangtabe, orde Anin bimbimanji apaitai orde rugamanji apaitai. Kan aboi bo surdadam abanantongan, kan ate Kitungan atanimyiman batte adeben dete. “Gamangtungan amangban banantongan ersz ardermadan” (Ejekiel 11:19). Kitungan a d’ong dernadage uggaran do itsumdaman batte gankilba. Kan ate yangam Kitungan a d’ong galama, bar aman rojol-j’en do barij itsuman batte Anin a d’ong gangkila (Sanenken 97:5).

Iten asan gamlenden GAMANGtungan kuddub uggaran saijte, bar kuddub anogal anogandinji galamte. Bogad aman Anin a d’ong saijlenden, aman anin a d’ong rabangte, bindo bogad aman Anin a d’ong umdrenglenden, Anin d’ong-nam tarda ayam sikkoi ja umdrengtam.

Amben mandran a d’ong er gankile Kitungan a d’ong gankilba sanabyun uggaran batte (1 Samuel 1:15). A bara-lingan amben atiydamnaben dete, sanabyu uggaran do barij itsuman batte. Anin a temangan man’oihben. Do a tambusingan surda panuangbe. Kitungan agangkilte batte uggarben sayute. Tanahimdam Kitungan a onagji, mandrengmadtan sikoija Kitungan a d’ong gangkilba. Mandrengna-lingben abara do agangkiltabe atena murdadage.

Okiy Kinolbe absele: “Bar sanensen kanuban apsele gabrungsal er manai rutipun kubba do itsum-taniyanji apsele abpengbale abpemengba, iten asan gamlenden e Israel maranji, kanate amben a lumben a itsumte. Kanate GAMANG Kitungan gamte.” (Amos 4:5).