Jan 03 – Anablu S’idle!

“Anablu-Nam a man’oihan d’ong-hen barokij ti-ih, do mananne janggardan tiyle d’ong-hen hamle dakkua” (Sanenken 52:12).

Kan a karda-lingan, Kitungan a oblingte a berna er tarungnagod lingan a hatenanji a mandranji abmele. Ayengan amandranji er tarungnagod lingan hatenji a tanakud lingan Danisam. Aninji bo surda kanalkal-lingan galuteji. Bo tagor sattang andangtaben hanahang batte ted. Tabme uggaran, Janggardan do tabme kaninan.

Ayengan amandranji er tarungnagod lingan, A hatenanji apsele rojolgod dete, Do Jisun amangba adyertenaiji, bertenji tabme bangsa hanangan abmele, do bartabmeben abmele sayamte. Angante amben agijgijte Daudo amandrengna, anin alumle a er bangsa baran apsele, do kuddub anogalan, do eragijle ambrij dele. Anin pintun lumle bigarda-mar a itslon batte. Do kun mandran a d’ong kabhidle, a dukarin apanben asan do jundardan baran lumle? Bogad anin kun ambrij lumle dakunetenden a tanakud lingan aninbeih bo surda sanihdan dete badihben. Bindo Nathan tumadgijmar adnumdengad kun ambrij. Anten asan, angante Daudo anson dakule, anin bangsale adganlu oblingle do anin galamle a pintun mandrengna apsele!

Ongalan adyeraiten, Atikki sanenken Daudo idol-le, bo lippan abt’arte ambrij dele, nami janang, ateng mandranji ayengan a s’idlingji amandranji. Kun batte aninji a d’ong sayamle Kitungan ampara a dakunaben apsele.

Kani na ate murda-dam Kitungan amang yerlenaihen asan, Anin ganugudam do sanayamdam kuddub pintunji.

Atabmadben asan do tabme mandrengna a tiyben abmele. Bo itslon dakule, Man’oihan batte sidrunglen bagu pasijanji batte, pintu lingan galule do a tanongban joldale.

Tanahimdam Kitungan a onagji, Kitunglen, bo surda panemengan batte, abdainabenten. Egale mukkababen anin yirte, tagor lingan hanaba er bantonglabe do man’oih uggaran batte.

Okiy Kinolbe absele: “Anten asan, e buhanganjil Kitungan anabasuyeman asan hen garbertaben do, d’ong-benji am’eng kanubge, mariddam, bar Kitungan apsele tungna-jana, gamle apsuile tiyba. Kanate j’edage sanen- pwr gangkil bara-ben” (Romi 12:1).