Jan 01 – HOBDO BISWAS LAGA!

Genesis 22:5 “itu bacha aru ami jabo berabo aru prashansha koribo, aru ami khan aji jabo wapas apuni logote”.

Abrham, baba Biswas laga, koishe itu hobdo khan ke Biswas  aru jit laga, ekta hilabole napara Biswas te tai laga mon te. Itu tai laga Biswas hi thakishe ki itu bacha Isaac aru nijor bi ahibole parishe wapas.

Isor hudishe Abraham ke daan koribole tai laga ekta hi morom kora lora Isaac ke. Aru Abraham koishe itu hobdo khan Biswas laga agete daan nakora laga tai bacha Isaac ke. Itu tai laga taan Biswas thaishe ki  judi bi tai daan kore Isaac ke, isor tu pare anibole tai ke wapas jibon te.

Itu ase hosa ki Abraham jaishe Mount Moriah te khori, jui aru chaku logote; itu hosa ase ki tai jaishe tate dibole daan asaac ke ekta jolai diya laga daan  hisab te. Judibi, tai koanai itu harai dibole laga tai laga  lora ke hoilebikoi ki tai khan ahibo wapas. Judibi tai laga lora bi hudishe tai ke memna laga kotha, tai sikhaishe tai ke prabhubhakta hobole aru koishe, “Ami laga lora, isor pora dibo Nijor hi memna ke utu jolai diya laga daan nimite”( Genesis 22:8).

Ami khan janibole pare itu gehra Biswas ke Abraham laga  itu upor laga podh te. Manu Biswas laga, kobi hobdo Biswas laga. Tai khan hosabi pabo avsar ke dihibole adbhut aru mahaan  kaam khan ke Isor laga tai khan jibon te.a ru tai khan hosabi thakibo avsar dikhibole chamatkar khan ke.

Pratigya hisab te: “judi apuni Biswas kore, apuni dikhibo mahaanta ke Isor laga”,  Abraham dikhishe mahaante ke Isor laga utu din te. Tai hunishe aru paishe ekta adesh ke nadibole tai laga hath ke utu bacha te. Tai uthaishe tai laga suku khan ke aru dikhishe ekta sapguli ke daan nimite. Sob stithi bi achurit thakishe aru Isaac ahishe wapas junika  tai ghuraishe mrityu pora jibon te.

Pobitro kotha te koi, “Biswas pora, jitya porikha korishe, daan dishe Isaac ke,a ru tai jun paishe pratigya khan ke dishe daan tai laga matro ekta lora ke jun laga itu koishe, “Isaac te apuni laga bijh ke matibo”, hekh kori kene itu ki Isor pare uthabole tai ke, mrityu pora bi, jote pora tai paishe  tai ke gau te” (Hebrews 11:17-19). Abraham laga hbobdo Biswas laga tayar korishe  ekta saguli ke thik homoi te utu daan nimite.

Bacha khan Isor laga , ki kisim laga hobdo hoile ulai apuni mukh pora jitya apuni jai paar kori kene  porikha khan te? Thik koribi ki khali hobdo Biswas laga ulabo apuni pora.

Aji dhyan koribole laga pobitro kotha tu hoile Mark 11:23 “kintu hosabi, Ami koi tumi khan ke, jun bi koi itu pahar ke, “hati jabi aru dhalibi hagor te’, aru shankha nakore tai laga mon te, hoilebi biwas kore ki utu saman khan juntu tai koi hoi jabo, tai pabo ji tai koilebi.”