Feb 28 – KI APUNI BISWAS KORIBO!

John 9:36 “Tai jawab dishe aru koishe, “kun ase Tai, Isor, ki ami Biswas koribo Tai te?”

Adhyay 9 te, John laga susmachar te, amikhan janibole pai ekta manu jun thakishe andha jonom  pora. Ji homoi pora tai ke dihishe Isor Jisu aru Tai laga chela khan pora, itu andha manu gherav hoishe bishi sawal khan pora. Tate ase 1022 ta sawal khan juntu ke paishe pura Notun Niom. Aru  15ta sawal thakishe tai laga gherav te.

Poila sawal thakishe chela khan pora Jisu laga. Tai khan hudishe Isor ke, “Rabbi, kun korishe paap, itu manu na tai laga ama baba, ki tai jonom hoishe andha?” Jisu jawab dishe, “na itu manu na tai laga ama baba korishe paap, hoilebi ki kaam khan ke Isor laga dikhabole tai te” (John 9:3).

Jitya Tai koishe itu khan ke, Jisu thukishe mati te aru bonaishe mati laga gol thuk milai kene; aru Tai abhishek korishe suku khan ke utu andha manu laga itu mati logote. Aru Tai koishe tai ke, “Jabi, dhulabi kuha te Siloam laga”. Toh tai jaishe aru dhulaishe, aru ahishe wapas dikhi kene. Itu kaorne, usor manu khan jun agete dikhishe ki tai thakishe andha koishe, “ki itu nahoi tai jun bohe aru bikha mange?” “kinika apuni laga suku khulishe?”. Tai jawab dishe aru koishe, “Ekta manu mate Jisu koi kene bonaishe mati laga gol aru abhishekh korishe ami laga suku ke aru koishe, “Jabi kuha te Siloam laga aru dhulabi”. Toh ami  jaishe aru dhulaishe, aru ami paishe nazar ke.”

Titya Pharisees khan bi hudishe tai ke aru ekbaar kinika tai paishe tai laga drishti ke; aru tai koishe tai paishe changai. Tai khan hudishe utu andha manu ke aru  ekbaar, “ki koi apuni Tai laga kotha kilekoile Taikhulishe apuni lag suku khan ke?”. Tai koishe, “Tai ase ekta nabi”(John9:17). Pharisees khan pora matishe tai laga  ama baba ke aru hudishe tai khan ke, koi kene, “ki itu ase apuni laga lora, junke apuni koi jonom hoishe andha? Kinika tini hoile tai itya dikhe?” (John 9:19).

Tai khan jun thakanai Shakti dibole drishti, andha ke. Na thakishe tai khan mon mahima koribole isor ke iman achurit  changai karone. Jitya itu ase mamla, ki kaam ase sob sawal khan laga? Jisu hunishe ki tai khan ulai kene khedaishe tai ke; aru jitya Tai paishe tai ke  koishe, “Ki apuni Biswas kora Putro te Isor laga?”

Tai jawab dishe aru koishe, “Kun ase Tai, Isor, ki ami Biswas koribo Tai ke?” aru Jisu koishe tai ke, “apuni diskhishe Tai ke aru itu Tai ase junke apuni kotha kori ase.” Titya tai koishe, “Isor,ami Biswas kore!” aru tai seva korishe Tai ke” (John 9:36-38).

* Bacha khan Isor laga, Isor jun achurit pora dishe drishti ke utu manu ke jun thakishe andha jonom pora, ase mahaan koribole chamatkar apuni laga jibon te bi. Pobitro kotha te koi, ki tate iku pakshpath nai Isor logote. “Tai dur nai ami khan kun pora hoilebi; kilekoile Tai tea mi khan jiyai aru thake nijor te” (Acts 17:27-28).*

Aji dhyan koribole laga pobitro kotha tu hoile John 9:39 “kintu faisla karone Ami ahisxhe itu prithibi te, ki jun khan nadikhe dihibole, aru ki jun khan dikhe bonabole nadikha”.