Feb 27 – BISWAS ARU BHOI!

Luke 8:24-25 “aru tai khan ahishe Tai logote aru uthaishe Tai ke, koi kene, “Malik Malik, ami khan khotom hoi ase!” Titya Tai uthishe aru gali korishe hawa ke aru gurrai thaka pani ke. Aru tai khan khotom hoishe, aru tate thakishe sahnti. Hoilebi Tai koishe tai khan ke, “kote ase apuni laga Biswas?” aru tai khan bhoi korishe, aru achurit hoishe, koi kene ekjon dusra jon ke, “kun hobo pare itu? Kile koileTai adesh kore aru hawa aru pani, tai khan bi mane Tai ke!”.

Tate ase ekta asardar rasta ulai dibole bhoi ke; aru itu ase Biswas. Biswas ase ekta divya jor aru Shakti. Ami khan laga morom Isor nirmaan korishe pura brahmaan ke Biswas pora. Jitya Tai ahishe niche prithibi te ekta Putro hoi kene, sob Tai laga mahaan kaam khan ke korishe Biswas laga niv pora hi.

Jisu koishe, “judi apuni koribo pare Biswas, sob saman khan ase mumkin tai karone junk ore  Biswas” (Mark 9:23). “judi apuni koribo Biswas apuni dikhibo mahima ke isor laga? “(John 11:40).

Ekbaar Isor Jisu jaishe nau te Tai laga chela khan  logote. Aru Tai koishe tai khan ke, “ahibi paar koribo dusra kinar phine itu nadi laga”. Aru tai khan uthi kene jaishe. Hoilebi jitya tai khan jai thakishe Tai ghumai jaishe. Aru ekta toofan ahishe nadi te, aru chela khan bhoi korishe. Aru tai khan ahishe Tai usorte aru uthaishe Tai ke, koi kene, “Malik, Malik, amikhan khotom hoi ase!” titya Tai uthishe aru gali korishe hawa aru gurrai thaka pani ke. Aru tai khan khotom hoishe, aru tate thakishe ekta shanti” (Luke 8:22-24).

* “hoilebi Tai koishe taikhan ke, “Kote ase apunikhan laga Biswas?” aru tai khan bhoi korishe, aru achurit hoishe, koi kene ekjon dusra jon ke, “kun hobo pare itu? Kilekoile Tai adesh diye aru hawa aru pani, taikhan bi mane Tai ke!” (Luke 8:25).*

* Apuni ke lage Biswas jitibole bhoi ke. “jun bi Biswas kore nakoribo kaam joldh bazi te” (Isaiah 28:16). Ekta manu junk ease Biswas, hobo tagot; khara koribo khilaf te sob bhoi kora poristithi te; aru jitibo.*

Bhoi ase ekta nakaratmik tagot, satan logote aru tai laga duth khan khara hoi kene pichete itu laga. Hoilebi Biswas ase ekta atmik tagot; aru Isor Nijor hi khara kore pichete itu laga. Uddharan hisab te, jitya Isor khara kore ekta puhor hisab te; satan khara kore ekta andhera hoi kene. Hoilebi jitya puhor uthe, andhera khotom hoi. Jity Suraj Dharmikta laga uthe, sob tagot khan andhera laga khotom hoi jabo jinika nior suraj ula te hoi.

Itu adesh, “Nokoribi bhoi; khali koribi Biswas”, ulai bishi baar Pobitro koth te (Mark 5:36;Luke 8:50). Judi ekta manu ase tagot Biswas te, tai thakibo jit sob bhoi laga atma logote. Hoilebi Isor hudi ase, “ki apuni kore Biswas?”

Adhyay 11 te Hebrews laga kitab te, amikhan porhe mahaan kaam khan ke pondit khan laga Purana Niom te. Bacha khan Isor laga, apuni bi jitibo lage bhoi ke aru barhibo lge aghe jiti  kene.

Aji dhyan koribole laga pobitro kotha tuhoile Matthew 21:22 “aru ki saman khan apuni mange prathana te,Biswas kori kene, apuni pabo”.