Feb 26 – BISWAS, AKHA ARU MOROM!

1 Corinthians 13:13 “aru itu thakibi Biswas, akha, morom, itu tinta; hoilebi dangor ase itu khan te morom”.

Pobitro kotha te, apuni pabo bishi baar koi kene hobdo khan ke: Biswas, akha aru morom laga. Aru itu tinta hobod khan majete bi ‘biswas’ ke koi kene ase sobse bishi baar. Itu hobdo ‘biswas’ ase tate 530 poristithi te. ‘akha’ ke koi kene ase 144 baar. ‘morom’ ke koi kene ase bishi kom baar, itu  duita ke tulna korile.

Sob saman khan juntu Isor pora diye manu ke ase khali Biswas pora. Judi ami khan ke lage pabole iku bi isor pora,a mi khan pai itu ke khali Biswas dwarahi.

Jitya ami khan Biswas kore aru barhai ami khan laga hath ke Isor phine Biswas te, Tai anugrah pora disye ami khan ke ki ami khan mange, tai laga divya morom te. Biswas ase ekta rasta milabole Isor logote uporte; aru isor pongche manu ke Tai laga divya morom te.

Utu din khan te, ami khan hune gana khan ke radio pora nahoilebi transistor pora hilai kene bishi channel khan te. Ami khan hune susmachar khan ke aru byko ke Isor laga phujir homoi te. Ami khan hune bhal Christian gan khan ke khas station jinika Vishwa Vani khan pora.

Itu program khan ke diye central location khan pora. Hoilebi ami khan jane kunuba itu laga channel ke milabole, ami khan hunibole pare utu program khan ke ami khan laga ghor te. Itu nishina, isor bi di ase bishi rasta Tai pratigya laga swarg pora. Divya morom ase ekta jaga jote itu diye. Aru ami khan ke lage Biswas hunibole utu pratigya khanke aru pabole tai khan ke ami khan laga mon te.

Biswas laga kotha te, tate ase hazar ta podh khan pura pobitro kotha te. “sob saman khan mumkin ase tai ke jun Biswas kore”. “Biswas nathakile, itu ase namumkin khushi koribole Isor ke”. “dharmik khan jiyabo Biswas pora”. “itu ase Biswas juntu jite prithibi ke”. Tate ase hazarta saman khan juntu ami khan pai Biswas dwara. Aru ami khan iku bi naharibo lage.

Ashirbaad khan, uttamta khan aru adhikaar khan Biswas kori kene Isor te, iku ginti nathaki kene. Judi ami khan nathake Biswas,a mi khan khali hekh hobo chinta, dukh aru biya khan te. Ami khan bi thakibo bhoi laga nichete ki hobo ami khan ke agete; aru ami khan hodai hi bhabna kori thakibo ki kun logote aru kote ami jabo lage. Biswas nathaki le, ami khan laga pura aha din hobo andhera pora bhorta, khali aru dukh thaka kene.

Bacha khan Isor laga, apuni hobo lage tagot Biswas te. Aru hobdo khan Isor laga modot koribo apuni ke barhibole Biswas te. Itu karone, taan pora kobi pratigya khan ke isor laga Biswas  te.

Aji dhyan koribole laga pobitro kotha tu hoile John 20:29 “Jisu koishe tai ke, “Thomas, kilekoile apuni dikhishe Ami ke, apuni korishe Biswas. Ashirbaad ase tai khan ke junkhan dikhanai aru hoilebi korishe Biswas.”