Feb 21 – John 17:23 “ki tai khan hobo thik ekta te”.

Khali judi tate ase moromial milap biswasi khan majete, thakibo ekta tagot atma ekota te. Judi itu hari ase girja khan majete; ase jhagra, suku jola aru dushmani; satan gushibo tate. Aru jitya itu hoi, itu pora anibo sandeh aru nadibo anibole notun atma khan ke Rajyo te Isor laga.

Agete Isor Jisu naja laga itu prithibi pora, Tai nirantar prathana korishe milap nimite morom laga aaru ekota tem on laga majete Tai chela khan laga. Aru itu pora mon bikhai dishe Isor ke iman ki chela khan hosa bi juja thakishe ekjon dusra jon logote ki kun ase dangor tai khan majete; aru kun thakibo dahina aru baya hath te Isor Jisu laga jitya Tai ahibo wapas raja nishina.

Itu karone Tai prathana korishe, “ki tai khan sob hobole ekta, jinika Apuni, Baba, ase Ami te aru Ami Apuni te; ki tai khan bi hobo ekta Ami khan te, ki prithibi pora Biswas koribo ki Apuni pothaishe Ami ke. Aru mahima juntu Apuni disxhe Ami ke Ami dishe tai khan ke, ki tai khan hboo ekta jinika Ami khan ase ekta; Ami tai khan te, aru Apuni Ami te; ki tai khan hobo thik ekota te,a ru ki prithibi pora janibo ki Apuni pothaishe Ami ke, aru morom korishe tai khan ke jinika Apuni morom korishe Ami ke”(John 17:21-23).

Ami ekta mon ulai  diya laga prathana porhibole paishe ekta Isor jana manu laga. Hobdo khan prathana laga inika ase: “Morom laga Baba, Apuni pora shikhaishe ami khan ke morom koribole ekjon dusra jon ke jinika Apuni morom korishe ami khan ke. Judibi ami khan shikhishe itu ke A[uni pora,a mi khan paishe ami khan laga mon te pura bhorta nafrat pora morom nahoi kene; itu ase pura bhorta namana laga, zid pora, ahankar aru khong pora. Aru Isor, Apuni sai ami khan sob jon ke pheali thaka suku pani ke. Isor morom pora bhangai dibi ami khan laga mon khan ke pathor pora, aru bhorta koribi itu apuni laga mahaan morom pora aru angina anugrah pora Baba, Amen!”

Itu bishi dorkari ase biswasi khan karone thakibole milap morom laga, kilekoile girja tu iku nahoi hoilebi ase milap biswasi khan laga. Itu karone apuni morom koribo lage girja ke, “jinika Krsita morom korishe girja ke aru  dishe Nijor ke tai nimite” (Ephesians 5:25).

Khali Krsita laga morom paa nahoi hoilebi girja itu morom  ke dikhabo lage ekdusra nimite. Girja ase ekta jama hua paritran biswasi khan laga. Girja ase ekta jama hua jaga poila jonom hua khan karone jun khan ke darj kori ken ease swarg te(Hebrews 12:23).

Bacha khan Isor laga, sabi uddharan ke poila chela khan laga,a ru kuchis koribi anibole iki milap ke aru ekota ke ami khan majete aji. Pobitro kotha te koi, “itya hazar ta tai khan jun khan Biswas korishe ekta mon aru ekta atma te; nahoi kun bi koanai ki iku bi itu saman khan juntu tai ke ase thakishe tai laga, hoilebi thakishe sob saman khan iki te” (Acts 4:32).

Aji dhyan koribole laga pobitro kotha tu hoile Ephesians 4:2-3 “sob noomrota logote aru nomor, dhoyjyo logote, bhugi kene ekjon dusra jon ke morom te, icha kori kene rakhibole ekota Atma te bhandhi kene shanti pora”.