No products in the cart.
Feb 19 – VISWASEMA JOR
elimchurchgospelRomavalun 4:20-21 Dever bachanervadi aviswasethi sandehkareniju, Dev bachan dinojena puro karena jorevalo cha kan ghatto namman, Devenmahima karan viswasema jorevalo vego.
Viswasivun yekkaj Abraham Bap koni lapan vu Yisraelevalena,Dusar jathevalena Ajji sey valadevaleni vu Bap ven cha. Vu Deven bharpurethiviswas kidojethi Dev vona yee dharthiran asmaneran shaswithvagi chajakoashiseni denako. Yeshaya 41:8,2 Dinvruthanther grandh 20:7,Yakob 2:23vachanevuma Abraham Dever dosthi kan keraldoju vanchacha. Dev sada Abrahamervaladevaleni ghano prem kido.
Dev Abrahamen athra prem kidojethij vu sey Yisraelevalenshaswithvagi bhulokoni kan 1 Rajer grandh 10:9 vachanema dekacha. Hosea 14:4vachanema ma vunden puro dallethi prem karuchu kan Dev bachan dinocha.
Malaki 1:2 vachanema Dev Yakobena prem kido kan dekacha.Yohan 11:36 vachanema Lazarena Prabhu prem kidoju dekacha. Yindenaj koni lapanyee jagema chajako sey manikyan prem karanaj yee dharthipar aayocha. Vu Prabhursath bhalan vethejako chelavo dosthir nai vethe. Yee premena aratham vu apanervasu jaan der athra kan cha.
Gener vath 17:17 vachanema dosthi sey daduma prem karacha,asso apathima bhayi pedavocha. Yohan 13:1 vachanema apan Yesu yee jagathima vorvalena prem kidoju, akharithanu vundena prem kido. Vu Prabhu shaswith bachanendethanu ma thamar sath akharithanu sopath ruchu kan kerocha.
Thu Prabhun prem karrochika? Vu Prabhu thar vadithi manna thu premkarastho dher kan asa karrocha. Kassen katho vu Prabhuj premevalo cha. Thu vuPrabhun prem karastho vor agnavun maanlechi.
Thu saasij vu Prabhun prem karrochikatho Ajji thu sthuthiaradhana karena vu Dever sannidhima dhasan jaan puro dallethi dhanyavad kechi.Ajji dheerethi Dever devalema gavai dethanu vu Dever seva karechi.
Aposthal Pauler sevar rahasya kai vethi? Christhur preethimanna jorbhari karricha kan kacha. Hannu jorbhari karrijako Dever preethijDusar jathevalena, Greekvalena, anyulena vujji genidharan gen chenijena achokhabar kero baaki Mar vumpar cha kan sejini suvarthan baantnako.
Yirmia 31 :3